Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog


Articles on this Page

(showing articles 39541 to 39560 of 41331)
(showing articles 39541 to 39560 of 41331)

older | 1 | .... | 1976 | 1977 | (Page 1978) | 1979 | 1980 | .... | 2067 | newer

    0 0

    హీరోయిన్ కాజల్ కెరీర్ ఎండింగ్‌కు వచ్చిందని భావిస్తున్న తరుణంలో ఆమెకు అనూహ్యంగా భారీ చిత్రాల్లో ఆఫర్లువచ్చాయి. వస్తూనే ఉన్నాయి. దాదాపు ఐదేళ్లుగా ఇదే వరస. అవకాశాలు కష్టమే అనుకుంటున్న టైంలో భారీ ఆఫర్ రావడం.. మళ్లీ కొంత కాలం స్టార్‌డంతో దూసుకుపోడవం జరుగుతుంది. స్టార్ హీరోలతో అవకాశాలు పెద్దగా లేకపోవడంతో చిన్న హీరోలతో వరుసగా చిత్రాలుచేస్తూ వచ్చింది ఆమధ్య కమల్‌హాసన్‌తో ఒక చిత్రం చేయబోతున్నట్లుగా సగం క్లారిటీ ఇచ్చిన కాజల్ ‘ఇండియన్ 2’ గురించి ఫుల్ క్లారిటీ ఇచ్చింది. ‘ఇండియన్ 2’ కోసం ఈమె కళరియపట్టు అనే కళ నేర్చుకుంటుందన్నది పాత మాటే. అయతే, ఆ కళలో ఇప్పుడు ఆరితేరిందట. కళకు సంబంధించిన పుస్తకానూ చదువుతుందన్నది టాక్. తాజాగా ఆ కళకు సంబంధించిన పుస్తకాన్ని చదువుతూ ఓ ఫొటో షేర్ చేసింది. ఇండియన్ 2 కోసమే కాజల్ అది చదువుతుందని ఇప్పటివరకు మార్షల్ ఆర్ట్స్ గురించి పెద్దగా అవసరం పడని కాజల్ ఈసారి ఈ సినిమా కోసం చాలా కష్టానే్న ఎదుర్కోబోతున్నట్లుగా చెబుతున్నారు. కమల్‌హాసన్, శంకర్‌ల కాంబినేషన్‌లో అత్యంత భారీ బడ్జెట్‌తో రూపొందబోతున్న ‘ఇండియన్ 2’ మూవీ వచ్చేనెలలో పట్టాలెక్కబోతుంది.


    0 0

    తమిళ స్టార్ హీరో అజిత్ పింక్ రీమేక్‌లో నటించనున్నాడు. బాలీవుడ్‌లో సూపర్ హిట్ అందుకున్న ‘పింక్’లో అమితాబ్, తాప్సీ పన్ను ముఖ్య పాత్రల్లో నటించారు. తమిళ రీమేక్‌లో అమితాబ్ పాత్రలో అజిత్ నటిస్తుంటే, తాప్సీ పాత్రలో హలో ఫేమం కళ్యాణి ప్రియదర్శన్ కనిపించనుందని సమాచారం. అయితే దీనిపై అధికారిక ప్రకటన వెలువడాల్సివుంది. వినోద్ తెరకెక్కించనున్న చిత్రం జనవరిలో సెట్స్‌కు వెళ్లనుంది. యువన్ శంకర్‌రాజా చిత్రానికి సంగీతం అందించనుండగా 2.0కు సినిమాటోగ్రాఫర్‌గా పనిచేసిన నీరవ్ షా ఛాయాగ్రహణం అందించనున్నాడు. అయతే ఈ చిత్రంలో బాలీవుడ్ నటి విద్యాబాలన్ అతిథి పాత్రలో నటించనుందన్న వార్తలు ఇప్పటిదాకా విన్నాం. ఇక ఇప్పుడు తాజాగా ‘రాజారాణి’ ఫేమ్ నజిరియా నజిమ్‌ను కూడా ఒక ముఖ్యమైన పాత్రకు ఎంపిక చేశారని సమాచారం. ‘్ధరన్ అదిగారం ఒండ్రు’ చిత్ర దర్శకుడు హెచ్ వినోత్ తెరకెక్కించనున్న ఈ చిత్రం వచ్చే ఏడాది జనవరిలో సెట్స్ మీదకు వెళ్లనుంది. బోనీకపూర్, జీ స్టూడియోస్ సంయుక్తంగా నిర్మించనున్న చిత్రం 2019 మే1న విడుదలవుతుందట. యువన్ శంకర్ రాజా సంగీతం అందిస్తున్నారు. ఇక 2016లో విడుదలైన పింక్ విమర్శకుల ప్రశంసలు పొంది జాతీయ అవార్డును సొంతం చేసుకుంది. సోషల్ థ్రిల్లర్ నేపథ్యంగా కథ సాగుతుంది.


    0 0

    మెగాస్టార్ చిరంజీవి ప్రధాన పాత్రలో సురేందర్‌రెడ్డి దర్శకత్వంలో వస్తున్న ‘సైరా నరసింహారెడ్డి’ చిత్రం శరవేగంగా తెరకెక్కుతున్న విషయం తెలిసిందే. కాగా ఈ చిత్రంలో మిల్క్ బ్యూటీ తమన్నా కూడా ఓ కీలక పాత్రలో నటిస్తోన్న విషయం తెలిసిందే. కాగా ఈరోజు తమన్నా పుట్టినరోజు. ఈ సందర్భంగా సైరా చిత్ర బృందం సైరా చిత్రంలోని ఆమె లుక్‌ని రివీల్ చేస్తూ.. తమన్నా పోస్టర్‌ను విడుదల చేసింది. పోస్టర్‌లో సాంప్రదాయ వస్తధ్రారణలో మరియు అలంకరణలతో ఉన్న తమన్నా లుక్ నెటిజన్లను బాగా ఆకట్టుకుంటుంది. బాలీవుడ్ సంగీత దర్శకుడు అమిత్ త్రివేది సంగీతం అందిస్తున్న ఈ చిత్రంలో నయనతార, తమన్నా, విజయ్ సేతుపతి, సుధీప్ ముఖ్య పాత్రల్లో నటిస్తున్నారు. కొణిదెల ప్రొడక్షన్స్ పతాకంపై భారీ బడ్జెట్‌తో హీరో రామ్‌చరణ్ నిర్మిస్తున్న ఈ చిత్రం వేసవి కానుకగా ప్రేక్షకులు ముందుకు రానుంది.


    0 0

    అల్లు అర్జున్- త్రివిక్రమ్‌ల కాంబినేషన్‌లో ఇప్పటికే వచ్చిన రెండు సినిమాలు మంచి ఫలితాలు సాధించాయి. మరోసారి జతకట్టిన వీళ్లిద్దరూ -హ్యాట్రిక్ విజయం సాధిస్తారన్న నమ్మకాన్ని సినీవర్గాలు వ్యక్తం చేస్తున్నాయి. దర్శకుడు త్రివిక్రమ్ తాజాగా అరవింద సమేతతో భారీ విజయాన్ని సొంతం చేసుకున్నాడు. త్రివిక్రమ్ తర్వాత చేయబోతున్న మూవీ అల్లు అర్జన్‌తోనేనని ఇప్పటికే ఫిక్సైంది. అయితే స్క్రిప్ట్ సిద్ధం కాకపోవడంతో సెట్స్‌పైకి వెళ్లడాన్ని వాయిదా వేస్తూ వస్తున్నారట. ముందు అనుకున్న ప్రకారం నవంబర్ లేదా డిసెంబర్‌లోనే చిత్రం పూజా కార్యక్రమాలు జరపాల్సి ఉంది. కానీ అనూహ్యంగా చిత్రం వాయిదాలు పడుతూ వచ్చింది. తాజా సమాచారం ప్రకారం స్క్రిప్ట్ వర్క్ దాదాపుగా పూరె్తైందని, ప్రీ ప్రొడక్షన్ వర్క్ మొదలుపెట్టినట్టు తెలుస్తోంది. జనవరిలో సినిమాకు సంబంధించిన అధికారిక ప్రకటన చేసి ఫిబ్రవరిలో రెగ్యులర్ షూటింగ్‌కు వెళ్లాలని త్రివిక్రమ్ భావిస్తున్నాడట. ఇక ఈ చిత్రాన్ని నిర్మిస్తోన్న రాధాకృష్ణతో అల్లు అరవింద్ కూడా భాగస్వామి అవుతాడట.


    0 0

    న్యూఢిల్లీ, డిసెంబర్ 21:మైత్రీ బంధంలో సరికొత్త అధ్యయనానికి భారత్-చైనాలు శ్రీకారం చుట్టాయి. ద్వైపాక్షిక, ప్రజా సంబంధాలు, సాంస్కృతిక సహకారం సహా మొత్తం పది అంశాల ప్రాతిపదికగా కలిసి ముందుకు సాగాలని బలంగా సంకల్పించాయి. భారత విదేశాంగ మంత్రి సుష్మా స్వరాజ్, చైనా విదేశాంగ మంత్రి వాంగ్‌ఈల మధ్య శుక్రవారం జరిగిన విస్తృత చర్చలు ఇరు దేశాలు సహకార పథంలో మరింత ముందుకు దూసుకెళ్లేందుకు బలమైన బాటలే వేశాయి. ఇందుకు సంబంధించి కొత్తగా ప్రణాళికను సిద్ధం చేసుకోవడంతో పాటు దశ దిశలా మైత్రీ బంధం ఇనుమడించేలా చర్యలు తీసుకోవాలనీ నిర్ణయించారు. రెండు దేశాల మధ్య సామరస్య పూర్వక సంబంధాలు బలపడాలంటే అందుకు ముందుగా సరిహద్దుల్లో శాంతియుత వాతావరణం నెలకొనాలని సుష్మా స్వరాజ్ అన్నారు. ఇందుకు వీలుగా రెండు దేశాల సైన్యాలు పరస్పర విశ్వాసాన్ని ఇనుమడింపజేసుకునేందుకు ప్రయత్నిస్తున్నాయన్నారు. ముఖ్యంగా కమ్యూనికేషన్ వ్యవస్థను బలోపేతం చేయడం వల్ల ఇరు దేశాల సైనికుల మధ్య అపోహలకు తావులేకుండా విశ్వసనీయత ఇనుమడిస్తుందని చెప్పారు. అలాగే చైనాతో పెరిగిపోతున్న వాణిజ్య లోటుపై కూడా ప్రత్యేక దృష్టి పెట్టాల్సిన అవసరం ఉందన్నారు. ఇందులో భాగంగా భారత వస్తు, సేవలకు చైనా తన మార్కెట్‌ను అందుబాటులోకి తేగలదన్న ఆశాభావాన్ని ఆమె వ్యక్తం చేశారు. ప్రపంచ వ్యాప్తంగా కల్లోల, అనిశ్చిత పరిస్థితులు ప్రబలమవుతున్న నేపథ్యంలో బలమైన దేశాలుగా ఉన్న భారత్-చైనాల మధ్య మైత్రి ప్రపంచ సుస్థిరతకు దోహదం చేస్తుందన్నారు. దాదాపు రెండు గంటల పాటు జరిగిన చర్చల్లో ప్రజా సంబంధాలు సహా అన్ని అంశాలనూ ఇరువురు నేతలూ ప్రస్తావించారు. చైనా విదేశాంగ మంత్రితో తాను జరిపిన చర్చలు అనుకున్న ఫలితాలు ఇవ్వడమే కాకుండా రెండు దేశాల మధ్య ఎన్నో అంశాలపై సారూప్యతనూ సాధించగలగడం ఎంతో ఆనందాన్ని కలిగిస్తోందని వాంగ్‌ఈ సమక్షంలో విడుదల చేసిన ప్రకటనలో సుష్మ అన్నారు. పరస్పరం సంస్కృతిని పంచుకోవడం, ప్రజా సంబంధాలను ఇనుమడింపజేసుకోవడం, చలన చిత్రాలు, టెలివిజన్‌లో సహకారం, మ్యూజియం, క్రీడలు, టూరిజం, యోగా, విద్య, సంప్రదాయ వైద్య విధానం వంటి సహకార స్తంభాలు ఇరు దేశాలను మరింత చేరువ చేస్తాయని సుష్మ పేర్కొన్నారు. సాంస్కృతిక, ప్రజా సంబంధాలను బలోపేతం చేసుకునేందుకు సరికొత్త యంత్రాంగాన్ని ఏర్పాటు చేయడం ఇరు దేశాల మైత్రీ బంధంలో సరికొత్త మలుపు అని చైనా విదేశాంగ మంత్రి వాంగ్‌ఈ అన్నారు.


    0 0

    పానాజీ, డిసెంబర్ 21: తన పదవిని కాపాడుకునేందుకు రాఫెల్ డీల్ వ్యహారంపై ప్రధాని నరేంద్రమోదీని గోవా ముఖ్యమంత్రి మనోహర్ పారికర్ బ్లాక్ మెయిల్ చేస్తున్నారని సీనియర్ కాంగ్రెస్ నేత ఎస్ జైపాల్ రెడ్డి ఆరోపించారు. శుక్రవారం ఇక్కడ కాంగ్రెస్ పార్టీ నిర్వహించిన జన్ ఆక్రోశ్ ర్యాలీని ఉద్దేశించి ఆయన మాట్లాడుతూ పారికర్ తీవ్రమైన అనారోగ్యంతో బాధపడుతున్నారని, దీని వల్ల రాష్ట్రంలో పాలన స్తంభించిందన్నారు. ప్రజా సమస్యలను పట్టించుకునే వారు అధికారంలో లేరన్నారు. రాఫెల్‌ఫైటర్‌జెట్స్ కొనుగోళ్లలో అవినీతి జరిగిందని, ఈ విషయమై కాంగ్రెస్ పార్టీ జాతీయ స్థాయిలో రాజీలేని పోరాటం చేస్తోందన్నారు. ఈ కేసులో సుప్రీంకోర్టు నరేంద్రమోదీ ప్రభుత్వానికి క్లీన్ చిట్ ఇచ్చిన విషయం విదితమే. 36 పిటిషన్లను కూడా డిస్మిస్ చేసింది. రాష్ట్రంలో పాలనాసంక్షోభం తలెత్తిందని, ప్రజలసంక్షేమాన్ని దృష్టిలో పెట్టుకుని పారికర్ పదవికి రాజీనామ చేయాలన్నారు. ముఖ్యమంత్రి పదవిని వదిలిపెట్టకుండా పదవీ వ్యామోహంతో పారికర్ కొనసాతున్నారన్నారు. ప్రధాని నరేంద్రమోదీని పారికర్ బ్లాక్ మెయిల్ చేస్తున్నారని ఆయన చెప్పారు. తనను పదవి నుంచి దించేసే ప్రయత్నం చేస్తే రాఫెల్ స్కాం వివరాలు బహిర్గతం చేస్తానని పారికర్ కేంద్రాన్ని బెదిరిస్తున్నారన్నారు. ముఖ్యమంత్రిగా బాధ్యతలు స్వీకరించేందుకు ముందు కొన్నాళ్లు కేంద్రంలో రక్షణ శాఖ మంత్రి పదవిని పారికర్ నిర్వహించిన విషయం విదితమే.


    0 0

    న్యూడిల్లీ, డిసెంబర్ 21: భార్య నైనా సహానీని దారుణంగా హత్యచేసి మృతదేహాన్ని తందూరీ చేసిన కేసులో యావజ్జీవ కారాగార శిక్ష అనుభవిస్తున్న యువజన కాంగ్రెస్ మాజీ నేత సుశీల్ కుమార్ శర్మకు ఢిల్లీ హైకోర్టు తీర్పు ఊరటనిచ్చింది. 1995లో చోటుచేసుకున్న ఈ దారుణ హత్యోదంతం కేసులో సుమారు రెండు దశాబ్ధాలుగా కారాగార వాసం అనుభవిస్తున్న సుశీల్‌కుమార్‌ను విడుదల చేయాల్సిందిగా జస్టిస్ సిద్ధార్థ్ మృధుల్, సంగీతా ధింగ్రా సెహగల్‌లతో కూడిన ఢిల్లీ హైకోర్టు ధర్మాసనం శుక్రవారం ఆదేశాలు జారీచేసింది. సుశీల్ కుమార్ శర్మ వయసు ప్రస్తుతం 56 సంవత్సరాలు. 1995లో అతను తన భార్య నైనా సహానీకి మరో వ్యక్తితో అక్రమ సంబంధం ఉందన్న అనుమానంతో ఆమెను తుపాకీతో కాల్చిచంపాడు. తర్వాత మృతదేహాన్ని కత్తితో ముక్కలుగా నరికి తర్వాత ఒక రెస్టారెంట్ ఓవెన్‌లో ఆ శరీర భాగాలను కాల్చి బూడిద చేసేందుకు విఫల యత్నం చేశాడు. ఈ క్రమంలో ఈ హత్యకేసు అప్పట్లో తందూరీ హత్య కేసుగా పెను సంచలనం రేపింది. అత్యంత క్లిష్టతరమైన ఈ కేసులో సాక్ష్యాధారాలను సేకరించేందు పోలీసులు అడ్వాన్స్‌డ్ టెక్నాలజీని వినియోగించారు. డీఎన్‌ఏ పరీక్షలను, రెండో అటాప్సీ పరీక్షలను నిర్వహించిన తర్వాత సుశీల్‌కుమార్‌ను దోషిగా నిర్ధారించారు.


    0 0

    ముంబయి, డిసెంబర్ 21: గ్యాంగ్‌స్టర్ సోహ్రాబుద్దీన్ ఎన్ కౌంటర్ కేసులో 22 మంది నిందితులను నిర్దోషులుగా ప్రకటిస్తూ ముంబయి సిబీఐ ప్రత్యేక కోర్టు శుక్రవారం తీర్పు ఇచ్చింది. ఈ కేసులో సోహ్రాబుద్దీన్, భార్య కౌసర్ బీ, అనుచరుడు తులసి ప్రజాపతి నకిలీ ఎన్‌కౌంటర్‌లో హతమైనట్లు పోలీసులు అభియోగం మోపారు. ఈ కేసులోసోహ్రాబుద్దీన్, కౌసర్‌బీ , ప్రజాపతి మరణించారని కోర్టు న్యాయమూర్తి ఎస్‌జే శర్మ విచారం వ్యక్తం చేసి కుటుంబ సభ్యులకు సానుభూతి తెలిపారు. కోర్టు కేవలం సాక్ష్యాధారాలను మాత్రమే పరిగణనలోకి తీసుకుంటుందని సీబీఐ కోర్టు పేర్కొంది. ఈ కేసులో నిందితులుగా ఉన్న గుజరాత్, రాజస్థాన్ రాష్ట్రాలకు చెందిన పోలీసు అధికారులందరూ విడుదలయ్యారు. వీరంతా గత కొద్ది కాలంగా బెయిల్‌పై ఉన్నారు. 13 ఏళ్ల ఈ కేసు అనేక మలుపులు తిరిగింది. 92 మంది ప్రాసిక్యూషన్ సాక్షులు ఎదురుతిరిగారు. ఈ కేసులో 2010లో బీజేపీ జాతీయాధ్యక్షుడు అమిత్ షా కూడా అరెస్టయిన విషయం విదితమే. కాగా ఈ కేసులో అభియోగాల నుంచి 2014లో అమిత్‌షాకు విముక్తి లభించింది. ఈ కేసులో కుట్రకోణం దాగి ఉందని చెప్పేందుకు అవసరమైన సాక్ష్యాలను చూపించడంలో పబ్లిక్ ప్రాసిక్యూటర్ విఫలమైందన్నారు. ఈ కేసులో సోహ్రాబుద్దీన్‌తో పాటు ముగ్గురు మరణించారనే విషయం వాస్తవమని కోర్టు పేర్కొంది. ఈ కేసులో ప్రస్తుతం నిందితులుగా ఉన్న వారు బాధ్యులని కోర్టు తీర్పులో పేర్కొనలేదు. ఈ ముగ్గురు బాధితులు హైదరాబాద్ నుంచి మహారాష్టల్రోని సాంగ్లీకి బస్సులో వస్తుండగా 2005 నవంబర్ 23,24 తేదీల్లో పోలీసలు అదుపులోకి తీసుకున్నారు. సోహ్రాబుద్దీన్ దంపతులు ఒక వాహనంలో, ప్రజాపతిని మరోవాహనంలో పోలీసులు తీసుకెళారు. సోహ్రాబుద్దీన్‌ను నవంబర్ 26వ తేదీన గుజరాత్, రాజస్తాన్‌కు చెందిన పోలీసులు ఎన్‌కౌంటర్‌లో కాల్చి చంపినట్లు అభియోగం. మూడు రోజుల అనంతరం కౌసర్‌బీని పోలీసులు, ఆ తర్వాత ప్రజాపతిని నకిలీ ఎన్‌కౌంటర్‌లో పోలీసులు కాల్చి చంపినట్లు పోలీసులు అభియోగం మోపారు. 22 మంది నిందితుల్లో 21 మంది జూనియర్ పోలీసు ఆఫీసుర్లు ఉన్నారు. మిగిలిన నిందితుల్లో వ్యవసాయ క్షేత్రం యజమాని ఉన్నారు. ఇక్కడ ఉన్న భవనంలో సోహ్రాబుద్దీన్ దంపతులను అక్రమంగా బంధించారు. ఆ తర్వాత వారిని తీసుకెళ్లి కాల్చి చంపినట్లు సీబీఐ అభియోగం మోపింది. ఈ కేసులో కుట్ర దాగి ఉన్నట్లు డాక్యుమెంటరీ సాక్ష్యాలను చూపించడంలో ప్రాసిక్యూషన్ విఫలమైందని కోర్టు పేర్కొంది. ఈ కేసులో కోర్టు కేవలం పరిస్థితులు, నిరాధారమైన సాక్ష్యాలను పరిగణనలోకి తీసుకోలేదని కోర్టు పేర్కొంది. ఈ కేసులో సోహ్రాబుద్దీన్‌కు లష్కర్ తోయిబా ఉగ్రవాద సంస్థతో సంబంధాలు ఉన్నాయని పోలీసులు కోర్టుకు నివేదించారు. అప్పటి గుజరాత్ ముఖ్యమంత్రి నరేంద్రమోదీని హతమార్చేందుకు సోహ్రాబుద్దీన్ కుట్రపన్నాడని పోలీసులు పేర్కొన్నారు. ఈ కేసులో సీబీఐకు డాక్యుమెంటరీ సాక్ష్యాలు, సాక్ష్యం చెప్పేవారు లేకుండా పోయారు. ప్రాసిక్యూషన్ ప్రవేశపెట్టిన ఇద్దరు సాక్షులు ఎదురుతిరిగారని కోర్టు పేర్కొంది. కోర్టు తీర్పుతో అప్పటి గుజరాత్ హోంమత్రి అమిత్‌షా, రాజస్థాన్ హోంమంత్రి గులాబ్‌చంద్ కటారియా, సీనియర్ ఐపీఎస్ అధికారులు డీజీ వంజారా, పీసీ పాండే తదితరులు నిర్దోషులుగా విడుదలయ్యారు. ఈ కేసులో ప్రాసిక్యూషన్ 210 మంది సాక్షులను విచారించింది. ఈ కేసును తొలుత గుజరాత్ సీఐడీ విచారించి సీబీఐకు బదిలీ చేశారు. అనంతరం 2013లో సుప్రీంకోర్టు ఈ కేసు విచారణను ముంబయి సీబీఐ కోర్టుకు విచారణ నిమిత్తం బదిలీ చేసింది.


    0 0

    హైదరాబాద్, డిసెంబర్ 21: కేంద్రలో ఉన్న బిజేపీ ప్రభుత్వం ప్రజా వ్యతిరేక పాలన సాగిస్తోందని అందుకు ప్రతిఘటనగా అన్ని జాతీయ కార్మి క సంఘాలు దేశ వ్యాప్త సమ్మెకు సమాయాత్తం కావాలని పిలుపు ఇస్తున్నాయి. 2019 జనవరి 8,9 తేదీల్లో దేశ వ్యాప్తంగా సమ్మె చేయడాని ఇప్పటికే జాతీయ కార్మిక సంఘాలు ఐక్యంగా పిలుపు ఇచ్చాయి. కార్మిక వ్యతిరేక ధోరణికి కేంద్ర ప్రభు త్వం పాల్పడుతోందని కార్మిక సంఘాలు నిరసనకు సిద్ధం అవుతున్నాయి. శనివారం హైదరాబాద్ బాగ్‌లింగంపల్లిలో రాష్ట్ర సదస్సు ఏర్పాటుకు కార్మిక సంఘాల నేతలు హాజరు కానున్నారు. ఈ సదస్సుకు జాతీయాస్థాయి కార్మిక నేతలు హాజరు కానున్నారని సీఐటీయు రాష్ట్ర ఉపాధ్యక్షురాలు ఎస్ రమ చెప్పారు. ఐఎన్‌టీయుసీ జాతీయ అధ్యక్షుడు సంజీవరెడ్డి, ఏఐటీయుసీ జాతీయ ప్రధాన కార్యదర్శి అమర్‌జీత్ కౌర్, సీఐటీయు జాతీయ ఉపాధ్యక్షుడు సుధాభాస్కర్‌తో పాటు ఇతర జాతీయ నేతలు పాల్గొంటారని రమ తెలిపారు.


    0 0

    న్యూఢిల్లీ, డిసెంబర్ 21: దేనా బ్యాంక్, విజయా బ్యాంక్, బ్యాంక్ ఆఫ్ బరోడా విలీనానికి కేంద్రం గ్రీన్ సిగ్నల్ ఇచ్చినట్టు సమాచారం. కేంద్ర ఆర్థిక మంత్రిత్వ శాఖ లాంఛనంగా ఆమోదం తెలిపిందనీ, ప్రత్యామ్నాయ విధానం ద్వారా ఈ ప్రక్రియను పూర్తి చేసేందుకు సానుకూలత వ్యక్తం చేసిందనీ బ్యాంక్ ఆఫ్ బరోడా తన రెగ్యులేటరీ ఫైలింగ్‌లో పేర్కొంది. ఈ మూడు బ్యాంకుల విలీనం ప్రతిపాదన ఈ ఏడాది 29న తెరపైకి వచ్చింది. బ్యాంక్ ఆఫ్ బరోడాలో దేనా బ్యాంక్, విజయా బ్యాంక్ విలీనమవుతాయి. ట్రాన్ఫరీ బ్యాంక్ హోదాలో బ్యాంక్ ఆఫ్ బరోడా విలీనం ప్రక్రియను వేగవంతం చేసింది. కాగా, ట్రాన్ఫరర్ బ్యాంకులైన దేనా బ్యాంక్, విజయా బ్యాంక్ ఇప్పటికే విలీన ప్రతిపాదనపై ఆమోద ముద్ర వేశాయి. ప్రస్తుత పోటీ ప్రపంచంలో ప్రభుత్వ రంగ బ్యాంకులు విస్తృత సేవలు అందించాలని, అందుకే బ్యాంకులు మరింత బలోపేతం కావలని కేంద్ర ఆర్థిక శాఖ మంత్రి అరుణ్ జైట్లీ పలు సందర్భాల్లో ప్రస్తావించారు. స్టేట్ బ్యాంక్ ఆఫ్ బికానెర్ అండ్ జోధ్‌పూర్ (ఎస్‌బీబీజే), స్టేట్ బ్యాంక్ ఆఫ్ హైదరాబాద్ (ఎస్‌బీహెచ్), స్టేట్ బ్యాంక్ ఆఫ్ మైసూర్ (ఎస్‌బీఎం), స్టేట్ బ్యాంక్ ఆఫ్ పటియాలా (ఎస్‌బీపీ), స్టేట్ బ్యాంక్ ఆఫ్ ట్రావన్‌కూర్ (ఎస్‌బీటీ), భారతీయ మహిళా బ్యాంక్ (బీఎంబీ) బ్యాంకులు ఎస్‌బీఐలో విలీనం కావడం దేశ బ్యాంకింగ్ వ్యవస్థపై తీవ్ర ప్రభావం చూపింది. ప్రత్యేకించి ప్రభుత్వ రంగం బ్యాంకులు విస్తృత స్థాయిలో సేవలు అందించే దిశగా అడుగులు వేస్తున్నాయి. ఎస్‌బీఐలో పలు బ్యాంకుల విలీనాన్ని ప్రోత్సహించి, సరికొత్త బ్యాంకింగ్ సేవలకు శ్రీకారం చుట్టిన కేంద్ర ఆర్థిక మంత్రి అరుణ్ జైట్లీ సహజంగానే మూడు బ్యాంకుల విలీనానికి సానుకూలంగా ఉంటారు. ఇలావుంటే, లాంఛనప్రాయమైన ఆమోద ముద్రలను మినహాయిస్తే, విలీనం ప్రక్రియ మొదలు పెట్టేందుకు మార్గం సుగమమైందని బ్యాంక్ ఆఫ్ బరోడా తన ప్రకటనలో తెలిపింది. మూడు బ్యాంకులు విలీనమైతే, ఆర్థిక లావాదేవీల విలువ 14.82 లక్షల కోట్లకు చేరుకోవచ్చని ఆ ప్రకటనలో పేర్కొంది.

    .


    0 0

    ముంబయి, డిసెంబర్ 21: ఈవారం లావాదేవీల చివరి రోజైన శుక్రవారం స్టాక్ మార్కెట్ ‘బేర్’మంది. 689.60 పాయింట్లు (1.89 శాతం) పడిపోయిన సెనె్సక్స్ 35,742.07 పాయింట్ల వద్ద ముగిసింది. నిఫ్టీ కూడా 197.70 పాయింట్లు (1.81 శాతం) పతనమై, 10,754 పాయింట్లుగా నమోదైంది. అంతకు ముందు ఏడు రోజుల వరుస లాభాల తర్వాత గురువారం ట్రేడింగ్‌లో భారీ నష్టాలు తప్పవన్న సంకేతాలు కనిపించాయి. కానీ, చివరిలో కోలుకున్న మార్కెట్ కేవలం 52.66 పాయిట్ల నష్టంతో గట్టెక్కింది. అమెరికా రిజర్వ్ ఫండ్ (ఫెడ్ రిజర్వ్) వడ్డీ రేట్లను సవరించడం ముంబయి స్టాక్ ఎక్ఛ్సేంజ్ (బీఎస్‌ఈ)పై పెద్దగా ప్రభావం చూపదన్న ధైర్యంతో శుక్రవారం నాటి ట్రేడింగ్ మొదలైంది. ప్రారంభంలో కొంత సానుకూల వాతావరణం కనిపించినప్పటికీ, క్రమంగా వాటాల అమ్మకాల ఒత్తిడి పెరగడం మొదలైంది. ఫెడ్ రిజర్వ్ వడ్డీ రేటును పెంచడం వల్ల చోటు చేసుకోబోయే పరిణామాలను దృష్టిలో ఉంచుకొని, మదుపరులు వాటాలను అమ్మడానికే మొగ్గు చూపారు. దీనితో మధ్యాహ్నం తర్వాత ట్రేడింగ్ మొత్తం అమ్మకాల ఒరవడితోనే కొనసాగింది. అమెరికాకు సంబంధించిన కీలక రహస్యాలను చైనా పౌరులు సంగ్రహించారన్న వార్త ఇరు దేశాల మధ్య ఉద్రిక్త వాతావరణానికి కారమైంది. ఇప్పటికే అమెరికా, చైనా దేశాలు వాణిజ్య యుద్ధంలో మునిగితేలుతున్నాయి.
    తాజా పరిణామం కూడా అంతర్జాతీయ స్టాక్ మార్కెట్‌పై ప్రభావం చూపింది. సూచీలు ప్రతికూలంగా ఉండడంతో, బీఎస్‌ఈకి కూడా దాని తాకిడి తప్పలేదు. చాలా రోజుల తర్వాత మొదటిసారి స్టాక్ మార్కెట్‌లో అమ్మకాల జోరు కనిపించింది. అంతర్జాతీయంగా వృద్ధిరేటు తగ్గుముఖం పట్టిందన్న వార్తలు కూడా స్టాక్ మార్కెట్ లావాదేవీలను శాసించాయి. రూపాయి మారకపు విలువ ఆశించిన స్థాయిలో బలపడకపోవడం ఐటీ, టెక్నాలజీ రంగాల స్టాక్స్‌ను దెబ్బతీశాయి. రిలయన్స్, ఇన్ఫోసిస్, టీసీఎస్, ఐసీఐసీ బ్యాంక్, హెచ్‌డీఎఫ్‌సీ, ఐటీసీ, మారుతీ, ఎల్ అండ్ టీ, హెచ్‌యూఎల్, యాక్సిస్ బ్యాంక్, విప్రో, ఇండస్‌ఇండ్ బ్యాంక్ భారీగా నష్టపోయాయి. సగటున నాలుగు శాతం విలువను కోల్పోయి, వచ్చే వారం పరిస్థితిపై అనుమానాలకు కారణమయ్యాయి. మొత్తం మీద శుక్రవారం నాటి మార్కెట్ పరిస్థితిని గమనిస్తే, వచ్చే వారం ఎంత వరకూ కోలుకుంటుందనే ఆందోళన ట్రేడ్ బ్రోకర్లను వెంటాడుతున్నది.


    0 0

    న్యూఢిల్లీ, డిసెంబర్ 21: అపోల్ టైర్స్ మేనేజింగ్ డైరెక్టర్‌గా నీరజ్ కన్వర్ మళ్లీ నియమించే ప్రతిపాదనకు వాటాదారులు ఆమోదించారని ఆ సంస్థ ప్రకటనలో తెలిపిందతి. దీంతో నీరజ్ కన్వర్ ఎండీ పదవిలో 2019 మే 28వ తేదీ నుంచి 2024 మార్చి 31వ తేదీ వరకు కొనసాగుతారు. మొత్తం ఓట్లు 42.29 కోట్లలో 96.72 శాతం ఓట్లు కన్వర్‌కు అనుకూలంగా వచ్చినట్లు అపోలో టైర్స్ పేర్కొంది. 3.28 శాతం ఓటర్లు వ్యతిరేకించారు. దీని కోసం వాటాదారులను సమావేశపరిచి ప్రత్యేక తీర్మానం చేయించారు. అపోలో టైర్స్‌కు బలమైన వాటాదారుల మద్దతు ఉందని ఆ సంస్థ తెలిపింది. కంపెనీ, వాటాదారుల లాభాలను పెంచేందుకు, ఉద్యోగుల స్థితిగతులను మెరుగుపరిచేందుకు సమర్థంగా పనిచేస్తామని ఆ సంస్థ తెలిపింది. ఈ ఏడాది సెప్టెంబర్‌లో మైనార్టీ షేర్ హోల్డర్లు కన్వర్‌ను ఎండీగా మళ్లీ నియమించాలన్న ప్రతిపాదనను తిరస్కరించిన విషయం విదితమే.


    0 0

    స్పెయిన్, డిసెంబర్ 21: మల్లోర్కాలోని తన సొంత పట్టణంలో ఈ ఏడాది అక్టోబర్ 9న సంభవించిన భారీ వరదల కారణంగా నష్టపోయిన బాధితుల సహాయార్ధం టెన్నిస్ స్టార్ దిగ్గజం రాఫెల్ నాదల్ ఒక మిలియన్ యూరోలు (1.15 మిలియన్) విరాళాన్ని ప్రకటించాడు. వరదల కారణంగా 13 మంది మరణించడంతో చలించిన నాదల్ ఈ సాయాన్ని విరాళంగా ప్రకటించాడు.


    0 0

    కోల్‌కతా, డిసెంబర్ 21: ఆస్ట్రేలియా టూర్‌లో భాగంగా నాలుగు టెస్టు సిరీస్‌లను ఆడుతున్న విరాట్ కోహ్లీ నాయకత్వంలోని టీమిండియా మెల్బోర్న్‌లో ఈనెల 26న జరిగే మూడో టెస్టు సిరీస్‌ను గెల్చుకుంటుందని దిగ్గ జ క్రికెటర్ సర్ వివియాన్ రిచర్డ్స్ వ్యాఖ్యానించాడు. ప్రస్తుతం భారత్‌లో పర్యటిస్తున్న రిచర్డ్స్ శుక్రవారం కోల్‌కతాలో ఐఏఎన్‌ఎస్ ప్రతినిధితో కాసేపు ముచ్చటించాడు. ప్రస్తుత ఆధునిక క్రికెట్‌లో విరాట్ కోహ్లీ తన ఫేవరిట్ అని పేర్కొన్నాడు. ఆసిస్‌తో జరిగిన తొలి టెస్టును టీమిండియా 31 పరుగులతో చేజిక్కించుకుని, రెండో టెస్టు సిరీస్‌ను భారత్ 146 పరుగుల తేడాతో కోల్పోయినా, మూడో టెస్టులో మాత్రం విజయాన్ని అందుకుంటుందని ధీమా వ్యక్తం చేశాడు. పెర్త్ టెస్టులో ఇరు జట్ల కెప్టెన్ల మధ్య జరిగిన వాగ్వాదం నేపథ్యంలో ఆ సంఘటన గురించి అం తగా ఆందోళన చెందాల్సిన అవసరం లేదని, మెల్బోర్న్ టెస్టును టీమిండియా కెప్టెన్ విరాట్ కోహ్లీ గెలిపించడం ఖాయమని చెప్పాడు. ఆసిస్‌తో జరుగుతున్న టెస్టు సిరీస్‌ను కైవసం చేసుకునేందుకు భారత్ తనకు వచ్చిన సదవకాశాన్ని సద్వినియోగం చేసుకుంటుందనే అభిప్రాయాన్ని వ్యక్తం చేశాడు. మిగిలిన రెండు టెస్టులలోనూ టీమిండియా సత్తా చాటుతుందని వ్యాఖ్యానించాడు.


    0 0

    మెల్బోర్న్, డిసెంబర్ 21: ఈనెల 26న మెల్బోర్న్ వేదికగా జరిగే మూడో టెస్టులో భారత ఆల్‌రౌండర్‌ను బరిలోకి దింపితేనే ఆ జట్టుకు మేలు జరుగుతుందని ఆస్ట్రేలియా మాజీ బ్యాట్స్‌మన్ మైఖేల్ హస్సీ అభిప్రాయపడ్డాడు. రెండో టెస్టు జరిగిన పెర్త్ మైదానం కంటే మూడో టెస్టు జరిగే మెల్బోర్న్ మైదానం పూర్తి భిన్నంగా ఉంటుందని, ప్రత్యర్థిపై దాడి చేసేందుకు హార్దిక్ పాండ్యను తప్పనిసరిగా ఆడించాలని సూచించాడు. ఇంతవరకు జరిగిన రెండు టెస్టుల్లో భారత ఫాస్ట్‌బౌలింగ్ సమర్థవంతంగా, చక్కగా వ్యవహరించిందని పేర్కొన్నాడు. ఉష్ణోగ్రతలు బాగా వేడిగా ఉన్న అడెలైడ్, పెర్త్ వంటి ప్రాంతాల్లో వాతావరణ పరిస్థితులను సైతం తట్టుకుని భారత బౌలర్లు లెక్కకు మించిన ఓవర్లు వేశారని అన్నాడు. కేవలం పేసర్లపైనే పనిభారం వేయకుండా పాండ్య వంటి ఆల్‌రౌండర్లను బరిలోకి దింపడం వల్ల చాలావరకు మేలు జరుగుతుందనే అభిప్రాయాన్ని వ్యక్తం చేశాడు. ఆతిధ్య ఆటగాళ్లు సైతం అద్భుతంగా రాణించారని, ఇటు బ్యాటింగ్, అటు బౌలింగ్‌లో ప్రత్యర్థికి ధీటుగా సమాధానం చెప్పారని అన్నాడు.
    మాటల యుద్ధం పరిధి దాటలేదు
    పెర్త్‌లో జరిగిన రెండో టెస్టు సందర్భంగా ఆస్ట్రేలియా-్భరత్ కెప్టెన్లు టిమ్ పైన్, విరాట్ కోహ్లీ మధ్య జరిగిన మాటల యుద్ధం పరిధి దాటలేదని ఆసిస్ మాజీ బ్యాట్స్‌మన్ మిచెల్ హస్సీ అన్నాడు. ఇద్దరు కెప్టెన్లు క్రీడా నిబంధనలను ఉల్లంఘించి వ్యవహరించలేదని, హద్దులు మీరి ప్రవర్తించలేదని, మరీ దూకుడుగా ఉద్రేకానికి గురికాలేదని పేర్కొన్నాడు. కెప్టెన్‌లిద్దరూ హుందాగా నడుచుకున్నారని, వివాదం మరీ ముదరకముందే గొడవ సద్దుమణిగిందని అన్నాడు. అయితే, టీమిండియా కెప్టెన్ కోహ్లీ ఒకింత అసహనంతో నియంత్రణ, సంయమనం కోల్పోయి వ్యవహరించాడని వ్యాఖ్యానించాడు. ఎంతో పోటీ కలిగిన టెస్టు సిరీస్‌లలో ఇలాంటి సంఘటనలు అరుదుగా జరుగుతుంటాయని, వీటిని సీరియస్‌గా తీసుకోవాల్సిన అవసరం లేదని అన్నాడు. సమస్య మరింత పెద్దది కాకుండా ఇరు జట్ల కెప్టెన్లు సంయమనంతో వ్యవహరించారని, ఇకముందు ఇలాంటి సంఘటనలు జరుగకుండా ఉంటే మంచిదని అభిప్రాయపడ్డాడు.


    0 0

    సిడ్నీ, డిసెంబర్ 21: దక్షిణాఫ్రికాతో ఈ ఏడాది జరిగిన ఒక టెస్టు మ్యాచ్‌లో బాల్‌ట్యాంపరింగ్ వివాదం చుట్టుముట్టి ఏడాదిపాటు నిషేధం ఎదుర్కొంటున్న ఆసిస్ మాజీ కెప్టెన్ స్టీవ్ స్మిత్ వచ్చే ఏడాది ఇంగ్లాండ్‌లో జరిగే వరల్డ్ కప్ కంటే ముందు జరిగే ఐపీఎల్ వంటి వివిధ మ్యాచ్‌ల ద్వారా తన పరువును నిలబెట్టుకుంటానని అన్నాడు.
    బాల్‌ట్యాంపరింగ్ వివాదం కారణంగా ఆసిస్ వైస్‌కెప్టెన్ డేవిడ్ వార్నర్ సైతం నిషేధాన్ని ఎదుర్కొంటున్న నేపథ్యంలో పోయిన తమ పరువును మళ్లీ సాధించేందుకు, ఆటపై మంచి పట్టు సాధించేందుకు కృషి చేస్తానని పేర్కొన్నాడు. వచ్చే ఏడాది ఐపీఎల్ వంటి ప్రపంచ ప్రఖ్యాతిగాంచిన టోర్నమెంట్‌లో సత్తా చాటేందుకు త్వరలో జరిగే టీ-20 తనకు ఎంతో దోహదపడుతుందనే అభిప్రాయాన్ని వ్యక్తం చేశాడు.


    0 0

    న్యూఢిల్లీ, డిసెంబర్ 21: న్యూజిలాండ్ టూర్‌లో వచ్చే నెలలో జరిగే వనే్డ ఇంటర్నేషనల్, టీ-20లు ఆడే భారత మహిళా జట్ల కెప్టెన్లను ప్రకటించారు. వనే్డ జట్టుకు మిథాలీ రాజ్, టీ-20 టీమ్‌కు హర్మన్‌ప్రీత్ కౌర్ నాయకత్వం వహించనున్నారు. ఐసీసీ ఉమెన్స్ చాంపియన్‌షిప్‌లో భాగంగా జనవరి 24 నుంచి భారత్ మూడు వనే్డ మ్యాచ్‌లు ఆడుతుంది. అనంతరం మరో మూడు టీ-20 ఇంటర్నేషనల్ మ్యాచ్‌లలో ఆతిధ్య జట్టుతో తలపడుతుంది. ఇంగ్లాండ్‌లో ఇటీవల జరిగిన ఐసీసీ మహిళా టీ-20 వరల్డ్ చాంపియన్‌షిప్ సెమీఫైనల్స్‌లో సీనియర్ క్రీడాకారిణి విషయంలో ఎదురైన వివాదాస్పద సంఘటన తర్వాత మళ్లీ ఇపుడు తొలిసారిగా న్యూజిలాండ్‌లో భారత జట్టు ఆడనుంది. మహిళా జట్టుకు గురువారంనాడు కొత్త కోచ్‌గా ఎంపికైన డబ్ల్యూవీ రామన్ న్యూజిలాండ్‌లో టీ-20, వనే్డలలో ఆడే 15 మంది జట్టు బృందాన్ని ప్రకటించాడు. టీ-20 మ్యాచ్‌లకు డిప్యూటీ కెప్టెన్‌గా స్మృతి మంధాన వ్యవహరించనుంది. బీసీసీఐ చీఫ్ ఎగ్జిక్యూటివ్ ఆఫీసర్ రాహుల్ జోహ్రీ, యాక్టింగ్ సెక్రెటరీ అమితాబ్ చౌదరి సమక్షంలో సెలక్షన్ ప్యానల్ చీఫ్ హేమలత కళ ప్రస్తుతం ఆస్ట్రేలియాలో ఉమెన్స్ బిగ్ బాష్‌లో ఆడుతున్న హర్మన్‌ప్రీత్ కౌర్ పేరును స్కైప్ ద్వారా టీ-20 కెప్టెన్‌గా ఎంపిక చేస్తున్నట్టు వెల్లడించింది. కాగా, ఇటీవల జరిగిన పలు మ్యాచ్‌లలో పరుగులు చేయడంలో బాగా వెనుకబడిన వేదా కృష్ణమూర్తిని టీ-20, వనే్డ మ్యాచ్‌ల నుంచి తప్పించినట్టు సెలక్షన్ ప్యానల్ చీఫ్ హేమలత కళ పీటీఐ ప్రతినిధికి తెలిపింది. వేదా కృష్ణమూర్తి స్థానంలో వనే్డలలో మోనా మెస్రమ్‌ను ఎంపిక చేశారు. గాయపడిన పేసర్ పూజా వస్త్రాకర్ స్థానంలో టీ-20 మ్యాచ్‌లకు శిఖా పాండేను ఎంపిక చేశారు. టీ-20లకు వేదా కృష్ణమూర్తి స్థానంలో అన్‌క్యాప్డ్ క్రీడాకారిణి ప్రియా పూనియాను జట్టులోకి తీసుకున్నారు.


    0 0

    ముంబయి, డిసెంబర్ 21: జాతీయ, అంతర్జాతీయ షటిల్ బాడ్మింటన్ క్రీడాకారులంతా అతి పెద్ద సమరానికి సిద్ధమవుతున్నారు. ప్రారంభ పోటీలకు ముంబయి వేదిక కానుంది. ముంబయి, పుణే, అహ్మదాబాద్, బెంగళూరులలో ఈనెల 22 నుంచి జనవరి 13 వరకు జరిగే నాలుగో ప్రీమియర్ బాడ్మింటన్ లీగ్ టోర్నమెంట్‌లో ఎంతోమంది అగ్రశ్రేణి షట్లర్లు పోటీపడనున్నారు. మొత్తం 12 దేశాలకు చెందిన 90 మంది ఆటగాళ్లు 9 టీమ్‌లుగా ఈ లీగ్‌లో తలపడనున్నారు. షటిల్ బాడ్మింటన్‌లో టాప్ క్రీడాకారులుగా వెలుగొందుతున్న ఒలింపిక్, వరల్డ్ చాంపియన్ స్పెయిన్‌కు చెందిన కరొలినా మారిన్, భారతకు చెందిన రియో ఒలింపిక్స్ రజత పతక విజేత పీవీ సింధు, సైనా నెహ్వాల్, డేన్ విక్టర్ అక్సెల్సెన్, లీ యాంగ్ డే, కిడాంబి శ్రీకాంత్, హెచ్.ఎస్.ప్రణయ్ వంటివారు తమ సత్తాను చాటనున్నారు. మొత్తం 9 జట్లలో ఢిల్లీ డాషర్స్, అహ్మదాబాద్ స్మాష్ మాస్టర్స్, అవాధే వారియర్స్, బెంగళూరు రాప్టర్స్, ముంబయి రాకెట్స్, హైదరాబాద్ హంటర్స్, చెన్నై స్మాషెష్, నార్త్ ఈస్టర్న్ వారియర్స్‌తోపాటు తొలిసారిగా పుణే 7 ఏసెస్ పోటీపడుతోంది. ఈ లీగ్‌కు మొత్తం ప్రైజ్‌మనీ 6 కోట్ల రూపాయలు కాగా, విన్నర్లకు 3 కోట్ల రూపాయలు, రన్నరప్‌కు 1.5 కోట్ల రూపాయలు, 3, 4 స్థానాల్లో నిలిచిన టీమ్‌లకు 75 లక్షల రూపాయల వంతున ప్రైజ్‌మనీ అందజేస్తారు. పోటీల ప్రారంభోత్సవంలో భాగంగా తొలి రౌండ్ వర్లిలోని ఎన్‌ఎస్‌సీఐ ఇండోర్ స్టేడియంలో ఈనెల 24న జరుగుతుంది. సెమీఫైనల్స్, ఫైనల్ పోటీలు జనవరి 13న బెంగళూరులో జరుగుతాయి.
    ఇదిలావుండగా, కొద్దిరోజుల కిందట ప్రతిష్టాత్మక బీడబ్ల్యూఎఫ్ వరల్డ్ టూర్ ఫైనల్‌లో తొలిసారిగా ఘన విజయం సాధించిన భారత షట్లర్ పీవీ సింధు ఇపుడు తాజాగా జరిగే ప్రీమియర్ బాడ్మింటన్ లీగ్‌పైనా దృష్టి సారించింది. హైదరాబాద్ హంటర్స్ టీమ్‌కు కెప్టెన్‌గా వ్యవహరించనున్న సింధు ఈ లీగ్‌లో తనతోపాటు టీమంతా బాగా రాణించగలమనే నమ్మకాన్ని వ్యక్తం చేసింది. పీబీఎల్ వంటి టోర్నమెంట్‌లో దిగ్గజ ఆటగాళ్లు పాల్గొనడం సామాన్య విషయం కాదని, ఈ పోటీలు భారత్‌లో జరగనుండడం మంచి పరిణామమని నార్తర్న్ ఈస్టర్న్ వారియర్స్‌కు కెప్టెన్‌గా వ్యవహరించనున్న సైనా నెహ్వాల్ పేర్కొంది. లీగ్‌లో టైటిల్ దిశగా తాను పోరాడతాననే ధీమాను కనబరిచింది. పీబీఎల్‌లో కొత్తగా ఆవిర్భవించిన పుణే 7 ఏసెస్‌కు కెప్టెన్‌గా వ్యవహరిస్తున్న స్పెయిన్ దిగ్గజం కరొలినా మారిన్ మాట్లాడుతూ ఈ లీగ్ కోసం తానెప్పటినుంచో ఎదురుచూస్తున్నానని అంది. కొత్త టీమ్‌కు కెప్టెన్సీగా వ్యవహరిస్తున్నందున ఉత్తమంగా రాణించేందుకు కృషి చేస్తానని తెలిపింది. ఇక మిగిలిన జట్లలో ముంబయి రాకెట్‌కు లీ యాంగ్ డే కెప్టెన్‌గా వ్యవహరించనున్నాడు. చెన్నై స్మాషర్స్‌కు సంగ్ జి హైయున్, అహ్మదాబాద్ స్మాష్ మాస్టర్‌కు విక్టర్ అక్సెల్సెన్, అవాధే వారియర్స్‌కు సన్ వాన్ హో, బెంగళూరు రాప్టర్స్‌కు కిడాంబి శ్రీకాంత్, ఢిల్లీ డేషర్స్‌కు హెచ్.ఎస్.ప్రణయ్ కెప్టెన్లుగా వ్యవహరించనున్నారు.


    0 0

    జ్యూరిచ్, డిసెంబర్ 21: ఇటీవల రష్యాలో జరిగిన ఫిఫా వరల్డ్ కప్‌ను ఎంతమంది ప్రేక్షకులు చూశారో తెలుసా? 3.5 బిలియన్ మంది 2018 వరల్డ్ కప్‌ను వీక్షించినట్టు ఫిఫా రీసెర్చ్ తాజాగా వెల్లడించింది. ఫైనల్ పోరులో క్రొయేషియాను ఫ్రాన్స్ ఓడించిన క్షణాలను కనీసం 1.2 బిలియన్ల మంది తిలకించినట్టు పేర్కొంది. ఫిఫా కమిషన్డ్ రివ్యూ ఆఫ్ వరల్డ్ కప్ వ్యూయింగ్ కథనం ప్రకారం ఫైనల్ మ్యాచ్‌ను ప్రపంచవ్యాప్తంగా 516.6 మిలియన్ల మంది తమ ఇళ్లల్లో, ప్రైవేటు స్థలాల్లో, బార్లు, రెస్టారెంట్లలో ఏర్పాటు చేసిన హోమ్ థియేటర్ల ద్వారా తిలకించారని తెలిపింది


    0 0

    మైలవరం, తొమ్మిదిన్నరేళ్ళుగా మైలవరం ప్రజలను అడ్డుపెట్టుకుని అధికారాన్ని అనుభవిస్తూ అవినీతికి పాల్పడుతున్న మంత్రి ఉమను అంతా సంఘటితమై సాగనంపుదామని వైసీపీ నేతలు పిలుపునిచ్చారు. శుక్రవారం మైలవరం నియోజకవర్గ వెసీపీ కార్యాలయం ప్రారంభం సందర్భంగా స్థానిక ఎల్‌హెచ్ రెడ్డి కాంప్లెక్స్ వద్ద వైఎస్ విగ్రహానికి పూలమాలలు వేసి నివాళులర్పించారు. అనంతరం జగన్ జన్మదినం సందర్భంగా కేక్ కట్ చేసి శుభాకాంక్షలు తెలిపారు. అనంతరం అక్కడ జరిగిన బహిరంగ సభలో విజయవాడ పార్లమెంటు నియోజకవర్గ కన్వీనర్, మాజీ విప్ సామినేని ఉదయభాను మాట్లాడుతూ దేవినేని ఉమను ఈ నియోజకవర్గ ప్రజలు రెండు సార్లు గెలిపించి మంత్రిని చేస్తే ఏమి చేశారని ప్రశ్నించారు. గతంలో ఇక్కడ ఎమ్మెల్యేలు, మంత్రులుగా పని చేసిన వారే అభివృద్ధి చేశారని, పరిశ్రమలు స్థాపించారని కానీ మంత్రి ఉమ రెండు సార్లు ఎన్నికల సమయంలో తాను ప్రకటించిన మేనిఫెస్టోలో ఒక్క హామీని అమలు చేయలేదని ఆరోపించారు. పైగా పట్టిసీమ, పోలవరం, చింతలపూడి పధకాలలో అవినీతి అక్రమాలకు పాల్పడి కోట్ల రూపాయలు దోచుకున్న విషయం కాగ్ నివేదిక ఇచ్చిందని గుర్తు చేశారు. నియోజకవర్గ సమన్వయకర్త వసంత వెంకట కృష్ణ ప్రసాద్ మాట్లాడుతూ రాబోయే ఎన్నికలు అహంభావానికి ఆత్మగౌరవానికి మధ్య జరుగుతున్నాయన్నారు. మైలవరం నియోజకవర్గంలో అభివృద్ది చేస్తుంటే తాను అడ్డుకుంటున్నానని మంత్రి ఉమ చేతగాని ఆరోపణలు చేస్తున్నారని, తాను ఎక్కడ, ఏ పనిని అడ్డుకున్నానో చెప్పాలని డిమాండ్ చేశారు. వాస్తవంగా తాను ఇక్కడికి వచ్చిన తర్వాతనే ఉమకు అభివృద్ధి గుర్తుకు వచ్చిందా అని ప్రశ్నించారు. కోట్ల రూపాయల నిధులు మంజూరు చేయించి అభివృద్ధి చేస్తున్నానని చెబుతున్న మంత్రి ఉమ ఏ పనికీ ఎటువంటి అనుమతులు, పద్దతులు లేకుండా అడ్డగోలుగా వ్యవహరిస్తున్నారని దుయ్యబట్టారు. పనుల పేరుతో ప్రజలను మభ్యపెడుతున్నాడని, అధికారులను, పోలీసులను అడ్డుపెట్టుకుని అరాచకాలు సృష్టిస్తున్నాడని ధ్వజమెత్తారు. పెడన మాజీ ఎమ్మెల్యే జోగి రమేష్ మాట్లాడుతూ ఉమకు ఈసారి కృష్ణ ప్రసాద్ చేతిలో ఓటమి తప్పదన్నారు. బిసి సంక్షేమ సంఘం రాష్ట్ర వర్కింగ్ ప్రెసిడెంట్ మారేష్ మాట్లాడుతూ మైలవరంలో వంద పడకల ఆసుపత్రి, మల్లెపూల మార్కెట్, టమాటా మార్కెట్, మామిడి మార్కెట్, తాగునీరు, సాగునీరు సకాలంలో రావాలంటే జగన్ ముఖ్యమంత్రి కావాల్సిందేనన్నారు. మాజీ ఎంపిపి జొన్నలగడ్డ గంగాధరరావు అధ్యక్షతన జరిగిన ఈ సభలో పార్టీ రాష్ట్ర సంయుక్తకార్యదర్శి అప్పిడి కిరణ్ కుమార్ రెడ్డి, అధికార ప్రతినిధి మొండితోక అరుణ్‌కుమార్, కాజా బ్రహ్మయ్య తదితరులు పాల్గొన్నారు. అనంతరం ర్యాలీగా వెళ్ళి పార్టీ కార్యాలయాన్ని సామినేని ఉదయభాను ప్రారంభించారు.

    గర్జించిన బైక్‌లు!

    కార్యక్రమం ఆలస్యంతో వెళ్లిపోయిన బొత్స

    మైలవరం, డిసెంబర్ 21: వైసీపీ కార్యాలయం ప్రారంభం సందర్భంగా శుక్రవారం ఆ పార్టీ కార్యకర్తలు చేసిన బైక్ విన్యాసాలు, భారీ ర్యాలీతో మైలవరం హోరెత్తింది. సాయంత్రం కార్యాలయం ప్రారంభం ఐనప్పటికీ మధ్యాహ్నం నుండే కార్యకర్తలు బైక్‌లకు సైలెన్సర్‌లను పీకేసి రోడ్లపై విన్యాసాలు చేస్తూ ఒళ్ళు గగుర్పాటు కల్పించారు. మరో వైపు బాణసంచా మోతలపై పట్టణ ప్రజలను భయభ్రాంతులను చేశారు. ఇబ్రహీంపట్నంలో ఐదు గంటలకు జగన్ జన్మదినం సందర్భంగా కేక్ కట్ చేసి బైక్ ర్యాలీని ప్రారంభించిన నేతలు మైలవరానికి ఏడున్నర గంటలకు చేరుకున్నారు. పార్టీ కార్యాలయాన్ని ప్రారంభించేందుకు ముందుగానే వచ్చిన మాజీ మంత్రి బొత్స సత్యనారాయణ ర్యాలీ కారణంగా నేతలు రావటం ఆలస్యం కావటంతో ఎదురు చూసి, చూసి వెనుదిరిగి వెళ్ళిపోయారు. దీంతో ఉదయభాను కార్యాలయాన్ని ప్రారంభించారు.


older | 1 | .... | 1976 | 1977 | (Page 1978) | 1979 | 1980 | .... | 2067 | newer