ఆకాష్ కథానాయకుడిగా నటించి స్వీయ దర్శకత్వంలో నిర్మించిన చిత్రం ‘యుగానికి ఒక్క ప్రేమికుడు’. అన్ని కార్యక్రమాలు పూర్తిచేసుకుని ఈ నెల 16న విడుదలకు సిద్ధమైంది. సుధ మూవీస్ పతాకంపై ఇ.బాబునాయుడు నిర్మించిన ఈ చిత్రానికి సంబంధించిన పాత్రికేయుల సమావేశం హైదరాబాద్ ఫిలిం ఛాంబర్ హాలులో ఏర్పాటుచేశారు. ఈ సందర్భంగా కథానాయకుడు ఆకాష్ మాట్లాడుతూ కథ హైలెట్‌గా వున్న ఈ చిత్రంలో కామెడీ ట్రాక్‌లో తాగుబోతు రమేష్, ధన్‌రాజ్, రఘు అద్భుతంగా నటించారని, ఇప్పటికే విడుదలైన పాటలకు మంచి స్పందన లభిస్తోందని, అన్ని కార్యక్రమాలు పూర్తిచేసి ఈ నెల 16న చిత్రాన్ని ప్రేక్షకుల ముందుకు తీసుకువస్తున్నామని తెలిపారు. ఈ కార్యక్రమంలో కోట శంకరరావు, తాగుబోతు రమేష్, ధన్‌రాజ్, రఘు, దినేష్ పాల్గొన్నారు. శే్వతాబసుప్రసాద్, సుమన్, నిషా, సత్యంరాజేష్ తదితరులు నటించిన చిత్రానికి కెమెరా: జాక్సీజాన్, ఎడిటింగ్: సాయికృష్ణ, పాటలు: తడరాజా, రవికుమార్‌వర్మ, సంగీతం: కార్తీక్‌రాజా, సమర్పణ: ఖాదరవల్లి, నిర్మాత: ఇ.బాబునాయుడు, కథ, స్క్రీన్‌ప్లే, దర్శకత్వం: ఆకాష్.