లేపాక్షి వారి పతాకంపై శ్రీకాంత్ కథానాయకుడుగా వంశీకృష్ణ ఆకెళ్ల దర్శకత్వంలో ఎ.గురురాజ్ ఓ చిత్రాన్ని నిర్మించనున్నారు. నిర్మాత మాట్లాడుతూ కథ వినగానే శ్రీకాంత్ నచ్చి సినిమా చేయడానికి అంగీకరించారని, ప్రీ ప్రొడక్షన్ కార్యక్రమాలు జరుగుతున్నాయని, మే నెలాఖరులో షూటింగ్ ప్రారంభిస్తామని తెలిపారు. ఓ విభిన్నమైన కథతో ఈ చిత్రం సాగుతుందని, తన కెరీర్‌లో ఖడ్గం, ఆపరేషన్ దుర్యోధన చిత్రాల్లాగ ఈ చిత్రం సరికొత్త జానర్‌లో నిర్మిస్తున్నారని హీరో శ్రీకాంత్ తెలిపారు. నా కూతురు స్వేచ్ఛగా, క్షేమంగా పెరిగి పెద్దవ్వడానికి అనుకూలమైన పరిస్థితులు ప్రస్తుత సమాజంలో లేవని బాలీవుడ్ హీరో అభిషేక్ బచ్చన్ అన్న మాటల స్ఫూర్తితో ఈ కథ తయారుచేసుకున్నానని, సోషల్ రెస్పాన్స్‌బులిటీతో చిత్రం సాగుతుందని చిత్ర దర్శకుడు వంశీకృష్ణ ఆకెళ్ల తెలిపారు. నటీనటులు, సాంకేతిక నిపుణులను త్వరలో ప్రకటిస్తామని ఆయన అన్నారు. ఈ చిత్రానికి నిర్మాత: ఎ.గురురాజ్, కథ, మాటలు, స్క్రీన్‌ప్లే, దర్శకత్వం: వంశీకృష్ణ ఆకెళ్ల.