ఆత్మవిశ్వాసంతో మరింత ముందుకు...!

నేనింతవరకూ పోర్న్ చిత్రాల కథానాయికగా గుర్తింపు పొందాను. ఆ తర్వాత నిజమైన నటన చూపడానికి సినిమాలకు వచ్చాను. రాగిణి ఎం.ఎం.ఎస్-2 చిత్రం విడుదలయ్యాక నేనో పెద్ద నటినని అందరూ గుర్తించారు అని చెబుతోంది పోర్న్‌స్టార్ సన్నీలియోన్. తనకు అంగాంగ ప్రదర్శనే కాదు నటన కూడా వచ్చని, అందరూ ఒప్పుకున్నారు. తన నటన గురించి విమర్శించే వాళ్లే ఈ చిత్రం చూసి నోరుమూసుకోక తప్పలేదు. నా నటన గురించి ఇన్నాళ్లు ఏదేదో ఆలోచించినవాళ్లు తమ అభిప్రాయాలను మార్చుకున్నారు. ఇటీవల తాను నటించిన రాగిణి ఎం.ఎం.ఎస్-2 చిత్రాన్ని చూశాక పూర్తి ఆత్మవిశ్వాసంతో పై విధంగా స్పందించింది. జిస్మ్-2 చిత్రంతో బాలీవుడ్‌లోకి వచ్చిన ఈ సెక్సిణి ఆ తర్వాత రెండు చిత్రాలు చేసినా అవి అడ్రస్ లేకుండా పోయాయి. నటనంటే తెలియని వాళ్లతో ఇటువంటి చిత్రాలు తీయ్యకూడదని అనేకమంది విమర్శకులు సన్నీలియోన్‌పై దుమ్మెత్తిపోశారు. నటిగా తాను రాగిణి చిత్రంలో చాలా నేర్చుకున్నానని, ఈ షూటింగ్ సమయంలో తన శరీరం అనేక గాయాలతో అలసిపోయిందని, అందుకు తగిన ఫలితం కూడా పొందానని చెబుతోంది. ఏదైతేనేం ఏక్తాకపూర్ రూపొందించిన ఈ పెద్దల చిత్రం మరోసారి సన్నీలియోన్‌తో మరింత పెద్దగా మారి కలక్షన్లు బాగానే రాబట్టేలా ఉంది. మొత్తానికి సన్నీలియోన్‌కు తానూ ఓ నటినన్న నమ్మకం ఈ చిత్రం ద్వారా కలిగిందన్నమాట!

ఆమెదంతా కాపీ
* శాంతి డైనమైట్
ఇప్పటికే సన్నీలియోన్‌తో బాలీవుడ్‌తో సహా అన్ని వుడ్‌లు నానా బాధలు పడుతుంటే మరో బాంబ్ పడబోతోంది. ఆమె బ్రిటన్‌లో ఉండే ఇండో గ్రీక్ సంతతికి చెందిన శాంతి డైనమైట్. పోర్న్‌స్టార్ సన్నీలియోన్‌లాగే ఈమె కూడా అక్కడ పోర్న్‌స్టార్. ఐతే అంతవరకూ బాగానే వుంది. ఎప్పుడైతే సన్నీలియోన్‌కు బాలీవుడ్‌లో ఆదరణ లభిస్తోందో, అప్పుడే శాంతి కూడా తాను కూడా ఎందుకు బాలీవుడ్‌లో ప్రయత్నించకూడదన్న ప్రశ్న తలెత్తింది. దాంతో ఏదో విధంగా మీడియాలో నానడానికి డైరెక్ట్‌గా సన్నీలియోన్‌పైనే దుమ్మెత్తిపోస్తోంది. ఇంతకూ శాంతిడైనమైట్ చేస్తున్న ఆరోపణలేంటంటే బేబీ డాల్ అనే పాట కోసం సన్నీలియోన్ నృత్యం అంతా తనను కాపీకొట్టిందని చెబుతోంది. ప్రస్తుతం భారతదేశంలో పర్యటిస్తున్న ఈ డైనమైట్ అడల్ట్ ఛాట్‌షోలు చేస్తూ బాలీవుడ్‌లో ప్రయత్నాలు ముమ్మరం చేసింది. రాగిణి చిత్రంలో సన్నీలియోన్ చేసిన బేబీడాల్ పాటను చూడమని అనేకమంది తనకు చెప్పారని, తీరా చూస్తే తనను మక్కీకి మక్కి ఆమె కాపీకొట్టిందని, ఇలాంటి వ్యక్తులు మరో వ్యక్తిని అనుకరించి నృత్యాలు చేస్తారా? అని అప్పుడే తెలుసుకున్నానని చెబుతోంది. పేరుకోసం ఇలా మరో వ్యక్తిచేసిన నృత్యాలను చేయడం ప్రతిభ లోపమేనని చెబుతోంది. శాంతి డైనమైట్ తన పోస్టర్‌ను కూడా తీసుకొచ్చి అందరికీ చూపుతూ సాక్ష్యం చెబుతోంది. తాను ఇంతకుముందు చేసిన నృత్యాలను ఆమె కాపీకొట్టడం సహించరాని నేరమని వాపోతోంది. ఏదైతేనేం శాంతిడైనమైట్‌కు రావలసిన ప్రచారం లభిస్తోంది. అదంతా సన్నీలియోన్ చలవేకదా!