విజయనగరం (్ఫర్టు), నవంబర్ 19: మాజీ ప్రధాని దివంగత ఇందిరా గాంధీ ఆశయసాధనకు ప్రతి ఒక్కరూ కృషి చేయాలని విజయనగరం పార్లమెంటు సభ్యురాలు బొత్స ఝాన్సీలక్ష్మి కోరారు. జిల్లా కాంగ్రెస్ పార్టీ కార్యాలయంలో ఇందిరాగాంధీ జయంతి సోమవారం జరిగింది. ఈ సందర్భంగా ఇందిరాగాంధీ చిత్రపటానికి పూలమాల వేసి ఘనంగా నివాళులర్పించారు. అనంతరం జరిగిన సమావేశంలో ఝాన్సీలక్ష్మి మాట్లాడుతూ భారత ప్రధానిగా ఇందిరాగాంధీ సమర్థవంతమైన పాలన అందించారని కొనియాడారు. నిరుపేదల సంక్షేమం కోసం ఎన్నో అభివృద్ధిపథకాలను అమలు చేశారన్నారు. ఈ కార్యక్రమంలో జిల్లా కాంగ్రెస్‌పార్టీ అధ్యక్షుడు కోలగట్ల వీరభద్రస్వామి, ఎమ్మెల్యేలు బడ్డుకొండ అప్పలనాయుడు, బొత్స అప్పలనరసయ్య, పార్టీనాయకులు యడ్ల రమణమూర్తి, పిళ్లా విజయకుమార్ తదితరులు పాల్గొన్నారు.
మాజీ ప్రధాని దివంగత ఇందిరా గాంధీ ఆశయసాధనకు ప్రతి ఒక్కరూ కృషి చేయాలని
english title:
i
Date:
Tuesday, November 20, 2012