అల్లరి నరేష్, రీచా పనయ్ జంటగా నిర్మించిన ‘యముడికి మొగుడు’ చిత్రం ఈ నెల 21న విడుదలకు సిద్ధమైంది. ఫ్రెండ్లీ మూవీస్ పతాకంపై ఇ.సత్తిబాబు దర్శకత్వంలో చంటి అడ్డాల నిర్మించారు. ప్రస్తుతం రీరికార్డింగ్, గ్రాఫిక్స్ కార్యక్రమాలు జరుగుతున్నాయి. ఈ సందర్భంగా చిత్ర నిర్మాత మాట్లాడుతూ ఐదేళ్ళ తరువాత ఓ మంచి కథతో సోషియో ఫాంటసీ చిత్రంగా ‘యముడికి మొగుడు’ను తీర్చిదిద్దామని, అన్ని వర్గాలను ఆకట్టుకునే ఈ చిత్రంలో యముడి కుటుంబం కూడా కనిపిస్తుందని తెలిపారు. కోటి అందించిన పాటలకు మంచి ఆదరణ లభిస్తోందని, చిత్రాన్ని ఈ నెల 21న విడుదల చేయడానికి సన్నాహాలు చేస్తున్నామని దర్శకుడు సత్తిబాబు తెలిపారు. షాయాజీ షిండే, రమ్యకృష్ణ, భరత్, కృష్ణ్భగవాన్ తదితరులు నటించిన ఈ చిత్రానికి మూల కథ:జయసిద్ధు, మాటలు:క్రాంతిరెడ్డి సకినాల, సంగీతం:కోటి, కెమెరా:కె.రవీంద్రబాబు, ఎడిటింగ్:గౌతంరాజు, నిర్మాత:చంటి అడ్డాల, స్క్రీన్‌ప్లే, దర్శకత్వం:ఇ.సత్తిబాబు.