డా.రాజేంద్రప్రసాద్ ప్రధాన పాత్ర పోషిస్తున్న చిత్రం ‘తొండి’. చిన్నికృష్ణ ప్రొడక్షన్స్ పతాకంపై స్వీయ నిర్మాణ దర్శకత్వంలో ప్రసాద్ రూపొందిస్తున్నారు. హైదరాబాద్ రామానాయుడు స్టూడియోలో సినిమా ప్రారంభమైంది. ముహూర్తపు సన్నివేశానికి తమ్మారెడ్డి భరద్వాజ క్లాప్‌నివ్వగా, కె.ఎస్.రామారావు కెమెరా స్విచ్చాన్ చేశారు. డాలీ గౌరవ దర్శకత్వం వహించారు. ఈ సందర్భంగా రాజేంద్రప్రసాద్ మాట్లాడుతూ-‘‘చిన్నప్పుడు అం దరూ వాడే పదం తొండి. ఆటలో మోసానికి పర్యాయం ఇది. అన్ని అంశాలు ఉన్న కథతో ఈ చిత్రాన్ని రూపొందిస్తున్నారు. నేను ఓ బాధ్యతాయుతమైన పాత్రలో నటిస్తున్నా. నవతరం కుర్రా ళ్లు విజయం సాధించాలి’’ అన్నారు. దర్శక నిర్మాత ప్రసాద్ మాట్లాడుతూ- ‘‘ఈనెల 8నుంచి రెగ్యులర్ చిత్రీకరణ మలేషియా, బ్యాంకాక్‌లో సాగుతుంది’’అన్నారు. నాలుగింట 2 పాటలు ఇప్పటికే సిద్ధమయ్యాయని సంగీత దర్శకుడు హరి నికేష్ తెలిపారు. స్క్రీన్‌ప్లే ప్రధానంగా నడిచే రొమాంటిక్ కామెడీ ఇదని హీరో సందీప్ తెలిపారు. ఛాయాగ్రాహకుడు నాగార్జున, తేజ్‌కుమార్, దీక్ష తదితరులు వేడుకలో పాల్గొన్నారు.
‘డ్రీమ్స్’ అంతర్జాతీయం!
2013 కెనడా అంతర్జాతీయ చిత్రోత్సవాల్లో 38 దేశాలకు చెందిన 1000 సినిమాలతో పోటీపడి టాప్-10లో 4వ స్థానాన్ని ‘డ్రీమ్స్’ దక్కించుకుందని డా.రాజేంద్రప్రసాద్ ఈ సందర్భంగా తెలిపారు. ఆస్కార్, కేన్స్ స్థాయి పండుగలో ఈ గుర్తింపు దక్కడం గౌరవంగా భావిస్తున్నానని అన్నారు. తెలుగులో తొలి సైకలాజికల్ థ్రిల్లర్ ‘డ్రీమ్స్’ అంతర్జాతీయ ప్రమాణాలతో రూపొందడంవల్లే ఈ ఖ్యాతి దక్కిందని ఆయన తెలిపారు.