కోలీవుడ్‌లో అందగత్తెగా ఎంపికై అందరి దృష్టిని ఆకర్షించి అనేక చిత్రాల్లో నటించిన కస్తూరి గుర్తుందికదా! అందం ఉంటే ఏం లాభం? క్రమశిక్షణకూడా ఉండాలని పరిశ్రమలో అనేకమంది చెప్పిన మీదట అరకొర పాఠాలతో ఇంటిదారి పట్టిన కస్తూరికి ప్రస్తుతం చిత్రాలు ఏమీ చేతిలో లేవు. టాలీవుడ్, కోలీవుడ్ పరిశ్రమలు ఆమెను ఎప్పుడో మరిచిపోయాయి. మళ్ళీ క్యారెక్టర్ ఆర్టిస్టుగా ఎనిమిది తమిళ చిత్రాల్లో నటించనున్నదట. తాజాగా ప్యారాచూట్ హెయిర్ ఆయిల్ యాడ్‌తో మళ్ళీ ఫామ్‌లోకి వచ్చింది. ప్యారాచూట్ నా వల్లనే ఎంతవరకు అమ్ముడవుతుందో తెలియదుకానీ, ప్యారాచూట్‌తోనే మళ్ళీ తాను అందరి నోళ్లలో నానుతున్నాను అంటూ ఆనంద పడుతుంది కస్తూరి. ఈ యాడ్‌తో ప్రతివారు తనను గుర్తించి మళ్ళీ నటించమని అడుగుతుండటం ఆనందాన్ని ఇస్తోందంటుంది. త్వరలో తెలుగు చిత్రాల్లోకూడా ఈ యాడ్ ద్వారానే గుర్తింపు వచ్చి అవకాశాలు వస్తాయని ఆశపడుతోంది. ఇదేవిధంగా ఎంతోమంది హీరోయిన్లు మళ్ళీ వచ్చి అదృష్టాన్ని పరీక్షించుకుంటున్నారు కదా! ప్రస్తుతం అదే బాటలో ఉంది కస్తూరి.