శ్రీ, అక్ష జంటగా సుధీర్‌రాజు దర్శకత్వంలో శ్రావ్య బాలాజీ మూవీస్ పతాకంపై రూపొందిన ‘రయ్ రయ్’ చిత్రం ఈనెల 15న విడుదలకు సిద్ధమైంది. బి.రామకృష్ణ, ఎన్.ఎస్.రెడ్డి నిర్మిస్తున్న ఈ చిత్రం గూర్చి వారు మాట్లాడుతూ ఏ విషయాన్నైనా పట్టించుకోని, బాధ్యతలేని వ్యక్తి జీవిత పయనం ఎలా వుంటుంది? అనే అంశంతో వెరైటీ ఎంటర్‌టైన్‌మెంట్‌గా ఈ చిత్రాన్ని రూపొందించామని, దర్శకుడు కథ చెప్పిన విధంగానే చిత్రాన్ని తెరకెక్కించాడని తెలిపారు. సెన్సార్ కార్యక్రమాలు పూర్తయ్యాయని, 15న విడుదల చేయడానికి సన్నాహాలు చేస్తున్నామని అన్నారు. ప్రతి ఒక్కరికీ నచ్చే కథాంశంతో రూపొందిన ‘రయ్ రయ్’ చిత్రం అందరికీ నచ్చుతుందని దర్శకుడు తెలిపారు. వంశీ, ఆహుతి ప్రసాద్, తనూష, చిత్రం శ్రీను, అల్లరి సుభాషిణి తదితరులు నటించిన ఈ చిత్రానికి ఎడిటింగ్: ఉద్ధవ్, మాటలు: తిరుమలశెట్టి గిరీష్, కిరణ్, సంగీతం: శ్రీవసంత్, కెమెరా: వెంకట్ ప్రసాద్, నిర్మాతలు: డి.రామకృష్ణ, ఎస్.ఎన్.రెడ్డి, దర్శకత్వం: సుధీర్‌రాజు.