ఆది కథానాయకుడిగా సౌదామిని క్రియేషన్స్ పతాకంపై అశోక్ దర్శకత్వంలో కె.వేణుగోపాల్ నిర్మించిన ‘సుకుమారుడు’ చిత్రం మే నెల 10న విడుదల కానుంది. దర్శకుడు అశోక్ మాట్లాడుతూ- సుకుమారుడు చిత్రం ఫామిలీ ఎంటర్‌టైనర్‌గా అందరినీ ఆకట్టుకుంటుందని, అనూప్ రూబెన్స్ పాటలు ఇప్పటికే విడుదలై సూపర్‌హిట్ అయ్యాయని, అన్ని కార్యక్రమాలు పూర్తిచేసి మే 10న విడుదల చేయడానికి సన్నాహాలు చేస్తున్నామని తెలిపారు. దర్శకుడు అద్భుతమైన విజన్‌తో చిత్రాన్ని నిర్మించారని, తెలుగుతనం ఉండే పాటలను సంగీత దర్శకుడు అందివ్వగా శ్రోతలు విజయవంతం చేశారని, పాటలు ఇంత హిట్టయినందుకు సంతోషంగా ఉందని, పాటలలాగే చిత్రం కూడా విజయవంతవౌతుందని నిర్మాత కె.వేణుగోపాల్ తెలిపారు. నిషా అగర్వాల్, నీలం ఉపాధ్యాయ, సూపర్‌స్టా కృష్ణ, శారద, బ్రహ్మానందం, గొల్లపూడి మారుతీరావు, తనికెళ్ల భరణి, ఎం.ఎస్.నారాయణ, రావూ రమేష్, శ్రీనివాస్ అవసరాల, అజయ్, ధన్‌రాజ్, తా.రమేష్ తదితరులు నటిస్తున్న ఈ చిత్రానికి కెమెరా:సాయి శ్రీరామ్, ఎడిటింగ్:ప్రవీణ్ పూడి, మాటలు:చంద్రశేఖర్ గుండిమెడ, సంగీతం:అనూప్ రూబెన్స్, నిర్మాత:కె.వేణుగోపాల్, కథ, స్క్రీన్‌ప్లే, దర్శకత్వం:అశోక్.జి.