తొలిసారిగా నాగచైతన్య, సునీల్ కథానాయకులుగా కలిసి నటిస్తున్న చిత్రానికి ‘తడాఖా’ అనే పేరును ఖరారు చేశారు. శ్రీ సాయి గణేశ్ ప్రొడక్షన్స్ పతాకంపై కిశోర్ పార్థాసాని దర్శకత్వంలో బెల్లంకొండ గణేష్‌బాబు ఈ చిత్రాన్ని రూపొందిస్తున్నారు. షూటింగ్ పూర్తిచేసుకుని నిర్మాణాంతర కార్యక్రమాలు జరుపుతున్నారు. ఈ చిత్రంలోని పాటలు ఈ నెల 24న విడుదల కానున్నాయి. ఈ సందర్భంగా నిర్మాత గణేష్‌బాబు మాట్లాడుతూ- షూటింగ్ పూర్తయిన తడాఖా చిత్రానికి సంబంధించిన పాటలను మరో రెండు రోజుల్లో విడుదలచేయనున్నామని, మేనెలలో సినిమాను విడుదల చేస్తామని, నాగచైతన్య, సునీల్‌ల కాంబినేషన్‌లో రూపొందిన ఈ సినిమాలో అభిమానులు ఆశించినవిధంగా అన్ని ఎలిమెంట్స్ ఉంటాయని, తప్పక విజయవంతవౌతుందన్న నమ్మకాన్ని వ్యక్తం చేశారు. తమన్నా, ఆండ్రియా, అశుతోష్ రాణా, నాగబాబు, బ్రహ్మానందం, వెనె్నల కిశోర్, రఘుబాబు, రమాప్రభ, జయప్రకాష్‌రెడ్డి, శ్రీనివాసరెడ్డి తదితరులు నటిస్తున్న ఈ సినిమాకు కథ:లింగుస్వామి, మాటలు:వేమారెడ్డి, స్క్రీన్‌ప్లే:దీపక్‌రాజ్, సంగీతం:తమన్, కెమెరా:ఆర్డర్ ఎ.విల్సన్, ఎడిటింగ్:గౌతంరాజు, పాటలు:రామజోగయ్య శాస్ర్తీ, భాస్కరభట్ల, నిర్మాత:బెల్లంకొండ గణేష్‌బాబు, మాటలు, స్క్రీన్‌ప్లే, దర్శకత్వం:కిషోర్ పార్థాసాని (డాలి).