Clik here to view.
గోపీచంద్ కథానాయకుడిగా రిలయన్స్ ఎంటర్‌టైన్‌మెంట్స్ సమర్పణలో శ్రీ వేంకటేశ్వర సినీ చిత్ర ఇండియా ప్రైవేట్ లిమిటెడ్ పతాకంపై రూపొందిస్తున్న చిత్రం ‘సాహసం’. చంద్రశేఖర్ యేలేటి దర్శకత్వంలో బి.వి.ఎన్.ఎస్.ప్రసాద్ నిర్మించిన ఈ చిత్రం అన్ని కార్యక్రమాలు పూర్తిచేసుకుని జూన్ 14న విడుదలకు సిద్ధమైంది. ఈ సందర్భంగా నిర్మాత ప్రసాద్ మాట్లాడుతూ- యజ్ఞం, రణం, లక్ష్యం, శౌర్యం చిత్రా ల కథానాయకుడు గోపీచంద్, ఐతే, అనుకోకుండా ఒక రోజు, ఒక్కడున్నాడు, ప్రయాణం వంటి వైవిధ్యమైన చిత్రాలను రూపొందించిన చంద్రశేఖర్ యేలేటి కలయికలో ఈ చిత్రం తప్పక విజయవంతమవుతుందని, ప్రస్తుతం పోస్ట్ ప్రొడక్షన్స్ కార్యక్రమాలు జరుపుతున్నామని తెలిపారు. ఈ చిత్రంలోని పాటలను 2న విడుదల చేయనున్నామని, సినిమాని పూర్తిచేసి జూన్ 14న విడుదల చేయనున్నామని, అడ్వెంచరస్ ఎంటర్‌టైనర్‌గా నిర్మించిన ఈ చిత్రం రెగ్యులర్ చిత్రాలకు భిన్నంగా ఉంటుందని, ఈ చిత్రంలో అన్ని కమర్షియల్ ఎలిమెంట్స్ ఉన్నాయని తెలిపారు. ఇప్పటివరకు ఏ తెలుగు సినిమా షూటింగ్ చేయని రేర్ లొకేషన్స్‌లో షూటింగ్ చేశామని, గోపీచంద్‌కి తమ సంస్థ ద్వారా మరో సూపర్‌హిట్ చిత్రం రావడం ఖాయమని ఆయన తెలిపారు. తాప్సీ, శక్తికపూర్, అలీతోపాటుగా ప్రముఖ తారాగణమంతా నటిస్తున్న ఈ చిత్రానికి కెమెరా: శ్యామ్‌దత్, సంగీతం: శ్రీ, ఎడిటింగ్: కోటగిరి వెంకటేశ్వరరావు, ఫైట్స్:సెల్వ, మాటలు:కె.కె.రాధాకృష్ణకుమార్, పాటలు:అనంత్ శ్రీరామ్, సహ నిర్మాత: భోగవల్లి బాపినీడు, నిర్మాత: బి.వి.ఎస్.ఎన్.ప్రసాద్, కథ, స్క్రీన్‌ప్లే, దర్శకత్వం: చంద్రశేఖర్ యేలేటి.
