ఆస్ట్రేలియా అమ్మాయి.. ఆంధ్రా అబ్బాయ

జీడిమెట్ల, మే 29: ఆస్ట్రేలియా అమ్మాయిని, నగర అబ్బాయి ప్రేమించి వివాహమాడి అందరికి ఆదర్శంగా నిలిచారు ఆ ప్రేమ జంట. వివరాల్లోకి వెళితే... గాజులరామారం, హెచ్‌ఏఎల్ కాలనీ నివాసితులు మోహన్‌రెడ్డి, భారతి దంపతుల కుమారుడు ప్రతాప్‌రెడ్డి మూడు సంవత్సరాలుగా ఆస్ట్రేలియాలో సాఫ్ట్‌వేర్ ఉద్యోగం చేస్తున్నాడు. ఆస్ట్రేలియాకు చెందిన అమ్మాయి ప్రెసిళ్ల ప్రతాప్‌రెడ్డి చేసే కంపెనీలోనే ఉద్యోగం చేస్తుండేది. కాగా ఇరువురి మధ్య గత సంవత్సరంన్నరగా పరిచయం ఏర్పడింది. ఆ పరిచయం కాస్త ప్రేమగా మారింది. దీంతో ఇరువురు తల్లిదండ్రులు ప్రేమ వివాహానికి ఒప్పుకున్నారు. బుధవారం హెచ్‌ఏఎల్ కాలనీలో తెలుగు సంస్కృతి, సంప్రదాయాల ప్రకారం పెళ్లి చేసుకుని ఆదర్శంగా నిలిచారు. ఈ జంట కలకాలం సంతోషంగా జీవితాన్ని గడపాలని ఆశిద్దాం.
కంటోనె్మంట్ సిఇవో బాలకృష్ణ బదిలీ
కంటోనె్మంట్, మే 29: కంటోనె్మంట్ బోర్డు ఎగ్జిక్యూటివ్ అధికారి సూర బాలకృష్ణ బదిలీ అయ్యారు. బుధవారం ఈ మేరకు కేంద్ర రక్షణ శాఖ కార్యాలయం నుంచి ఫాక్స్ ద్వారా సమాచారం అందింది. సికింద్రాబాద్ కంటోనె్మంట్ ఎగ్జిక్యూటివ్ అధికారిగా ఉన్న సూర బాలకృష్ణ మహారాష్టల్రోని నాసిక్ జిల్లా దేవిలాలి కంటోనె్మంట్‌కు బదిలీపై వెళ్తున్నారు. ఆయన స్థానంలో ప్రస్తుతం న్యూఢిల్లీ డిఫెన్స్ ఎస్టేట్ అధికారిగా ఉన్న సుజాతను సికిందరాబాద్‌కు వస్తున్నారు. త్వరలో బదిలీ మార్పు ప్రక్రియ జరుగనుంది. 2011 మే 26న బాలకృష్ణ ఇక్కడ విధులు నిర్వహిస్తున్నారు. రెండు సంవత్సరాల రెండు రోజులు అధికారికంగా పనిచేశారు. సికిందరాబాద్‌కు ఎగ్జిక్యూటివ్ అధికారిగా పదవీ బాద్యతలు స్వీకరించిన ఆయన రాజకీయ నాయకులు, స్థానికుల నుంచి అనేక విమర్శలు ఎదుర్కొన్నారు. బోర్డు సభ్యుల్లో కొందరికి అనుకూలంగా కొందరికి వ్యతిరేకంగా వ్యవహరించారనే విమర్శలున్నాయి. కంటోనె్మంట్ బోర్డు వైస్ చైర్మన్‌గా ఉన్న భానుక నర్మద పట్ల ఆయన అవమానకరంగా వ్యవహారించారని పోలీసు కేసు కూడా నమోదైంది. దీనితో కంటోనె్మంట్ ఎగ్జిక్యూటివ్ అధికారికి పోలీసు సెక్యూరిటీని మొదటిసారి ఏర్పాటు చేశారు. కంటోనె్మంట్‌లోని అక్రమ కట్టడాలు రాజకీయ ప్రతినిధులు, అధికారులకు మధ్యన విభేదాలు తీసుక వచ్చాయి. కొందరు అక్రమ కట్టడాలపైన కోర్టుకు వెళ్లడం, కంటోనె్మంట్ ఎమ్మెల్యే పి.శంకర్‌రావు సిబిఐకి ఫిర్యాదు చేయడం.. బోర్డు సభ్యుల అరెస్టు, విడుదల తర్వాత జరిగి పరిణామాల్లో అప్పటి సిఇఓగా ఉన్న రవీంద్ర బదిలీపై వెళ్లగా ఆయన స్థానంలో వచ్చిన బాలకృష్ణ ఎగ్జిక్యూటివ్ అధికారిగా కొనసాగుతున్నారు.