అడవి శేషు స్వీయ దర్శకత్వంలో నటిస్తూ నిర్మించిన ‘కిస్’ చిత్రానికి సంబంధించి టీజర్‌ను విడుదల చేశారు. అడవి సాయికిరణ్ మైడ్రీమ్స్ సినిమా ప్రైవేట్ లిమిటెడ్, థౌజండ్ లైట్స్ సినిమా చిత్రం పతాకంపై ఈ చిత్రాన్ని రూపొందించారు. సినిమాకు సంబంధించిన 30 సెకండ్ల టీజర్‌ను ఎ.రమేష్‌ప్రసాద్, తమ్మారెడ్డి భరద్వాజ విడుదల చేశారు. అనంతరం దర్శకుడు, కథానాయకుడు అడవి శేషు మాట్లాడుతూ- సంగీత దర్శకుడు శ్రీచరణ్ పాకాల అందించిన ట్రాక్స్ అద్భుతంగా కుదిరాయని, ముఖ్యంగా రీ రికార్డింగ్ అందరికీ నచ్చుతుందని, ఆడియోను ఈ నెల 14న విడుదల చేయడానికి సన్నాహాలు చేస్తున్నామని, ఈ టీజర్ కూడా అందరికీ నచ్చుతుందని తెలిపారు. సినిమాలో పాటలు అందరికీ నచ్చుతాయని తాను ఆశిస్తున్నట్లుగా శ్రీచరణ్ పాకాల తెలిపారు. క్వాలిటీ వీడియోగా ఆర్.ఆర్.ట్రాక్స్‌తో కలిసి ఈ పాటలను ప్రేక్షకులకు అందిస్తున్నామని, అందుకే ఆడియో ఆలస్యంగా వచ్చేవారం విడుదల కానుందని నిర్మాత సాయికిరణ్ అడవి తెలిపారు. (చిత్రం) ‘కిస్’ చిత్రానికి సంబంధించి టీజర్ ఆవిష్కరణలో పాల్గొన్న అడవి సాయకిరణ్, తమ్మారెడ్డి భరద్వాజ, శేషు, ప్రియ, రమేష్‌ప్రసాద్