‘శివకేశవ్’ పాటలు

శ్రీహరి, జయంత్ (భానుచందర్ తనయుడు) ప్రధాన పాత్రధారులుగా సీతారామా ఫిలింస్ పతాకంపై ఆర్.వి.సుబ్రహ్మణ్యం దర్శకత్వంలో భానూ రు నాగరాజు (జడ్చర్ల) నిర్మించిన చిత్రం ‘శివకేశవ్’. ఈ చిత్రం పోస్ట్ ప్రొడక్షన్ కార్యక్రమాలు జరుపుకుంటుంది. చిత్రానికి సంబంధించిన పాటల సీడీని శ్రీహరి, టీజర్‌ను నాగబాబు విడుదల చేశారు. ఈ సందర్భంగా చిత్ర నిర్మాత భానూరు నాగరాజు మాట్లాడుతూ- దర్శకుడు కొత్తవాడైనా ఎటువంటి తడబాటు లేకుండా ఈ చిత్రాన్ని అందంగా తీర్చిదిద్దాడని, అదేవిధంగా శ్రీ వసంత్ మంచి పాటలను అందించారని, శ్రీహరి నటన ఈ చిత్రానికి హైలెట్‌గా నిలుస్తుందని తెలిపారు. దర్శకుడు కథ చెప్పడానికి వచ్చినపుడు ఈయన దర్శకత్వం చేయగలడా? అని అనుకున్నానని, అతను కథ చెప్పిన విధానం నచ్చి ఈ సినిమాలో నటించానని, ఈ చిత్రంలో తాను రెండు పాటలకు డాన్స్ చేశానని నటుడు శ్రీహరి తెలిపారు. పల్లె కన్నీరు పెడుతుంది తనకెంత పేరు తెచ్చిందో అదేవిధంగా ఈ చిత్రంలోని పాటలు కూడా ప్రేక్షకులకు నచ్చుతాయని ఆయన వివరించారు. సహకారంతో ఈ సినిమాను ప్రేక్షకులకు నచ్చే విధంగా తాను తీర్చిదిద్దానని దర్శకుడు ఆర్.వి.సుబ్రహ్మణ్యం తెలిపారు. కార్యక్రమంలో జయంత్, గుర్లిన్ చోప్రా, యూనిట్ సభ్యులు పాల్గొన్నారు. (చిత్రం) జయంత్ , సంజన