శ్రీబాలాజీ, సోనీ చరిష్ఠ, కృష్ణ, రిషిక, రఘు, సిరి- మూడు జంటలు ప్రధానంగా రాధాకృష్ణ ఫిలింస్ సర్క్యూట్ పతాకంపై నిర్మించిన చిత్రం ‘నాకైతే నచ్చింది’. త్రినాథ్ కోసూరి దర్శకత్వంలో ఎ.పి.రాధాకృష్ణ నిర్మించారు. చిత్రానికి సంబంధించిన సెన్సార్ కార్యక్రమాలు పూర్తయ్యాయి. ఈ సందర్భంగా దర్శకుడు మాట్లాడుతూ- సెన్సార్ వారు చిత్రాన్ని చూసి యు/ఎ సర్ట్ఫికెట్ ఇచ్చి అభినందించారని, అన్ని కార్యక్రమాలు పూర్తిచేసి త్వరలో విడుదల చేయడానికి సన్నాహాలు చేస్తున్నామని తెలిపారు. మణిశర్మ అందించిన పాటలు ఇటీవల విడుదలై మంచి ఆదరణ పొందుతున్నాయని, యూత్‌కు నచ్చే విధంగా నిర్మించిన ఈ చిత్రం త్వరలో విడుదలకు సిద్ధమవుతుందని నిర్మాత ఎ.పి.రాధాకృష్ణ తెలిపారు. గౌతమ్‌రాజు, చిత్రం శ్రీను, జూ.రేలంగి, విజయ, తులసి, దేవా, యాదగిరి మొదలగువారు నటించిన ఈ చిత్రానికి సంగీతం:మణిశర్మ, కథ:సాగా, కెమెరా: పి.ఆర్.కె.రాజు, ఎడిటింగ్:నందమూరి హరి, నిర్మాత:ఎ.పి.రాధాకృష్ణ, స్క్రీన్‌ప్లే, దర్శకత్వం:త్రినాథ్ కోసూరి.