రామ్ కథానాయకుడిగా ‘బొమ్మరిల్లు’ భాస్కర్ దర్శకత్వంలో ఓ చిత్రం ప్రారంభమైంది. శ్రీ వెంకటేశ్వర సినీ చిత్ర ప్రైవేట్ లిమిటెడ్ పతాకంపై బి.వి.ఎస్.ఎన్. ప్రసాద్ ఈ చిత్రాన్ని నిర్మిస్తున్నారు. ముహూర్తపు షాట్ సంస్థ కార్యాలయంలో ‘స్రవంతి’ రవికిషోర్ క్లాప్ ఇవ్వగా, భోగవల్లి బాపినీడు స్విచాన్ చేయడంతో చిత్రీకరించారు. ఈ సందర్భంగా చిత్ర దర్శకుడు భాస్కర్ మాట్లాడుతూ- ఓ మంచి కమర్షియల్ ఎంటర్‌టైనర్‌గా రూపొందిన ఈ చిత్రంలో రామ్ ఎనర్జీకి తగిన విధంగా స్క్రిప్ట్ తయారైందనీ, హీరో కేరెక్టర్ సరికొత్తగా డిజైన్ చేశామనీ, ప్రకాష్‌రాజ్ కీలక పాత్ర పోషించే ఈ చిత్రానికి సంబంధించిన వివరాలు త్వరలో తెలియజేస్తామని వివరించారు. ఏప్రిల్ 10 నుండి రెగ్యులర్ షూటింగ్ ప్రారంభమయ్యే ఈ చిత్రాన్ని ఆగస్టు నెలాఖరులో విడుదల చేయటానికి సన్నాహాలు చేస్తున్నామని నిర్మాత తెలిపారు. ఈ చిత్రానికి మాటలు: కోన వెంకట్, సంగీతం: జి.వి.ప్రకాష్, నిర్మాత: బి.వి.ఎస్. ఎన్. ప్రసాద్, కథ, స్క్రీన్ ప్లే, దర్శకత్వం: భాస్కర్.