వైజయంతి సంస్థ సమర్పణలో త్రీ ఏంజెల్స్ స్టూడియో బ్యానర్‌పై రవితేజ కథానాయకుడిగా, కాజల్, రిచా గంగోపాధ్యాయ నాయికలుగా, పరశురామ్ దర్శకత్వంలో ప్రియాంకదత్ నిర్మించిన ‘సారొచ్చారు’ చిత్రం విడుదలైన సంగతి తెలిసిందే. చిత్ర విజయోత్సవ వేడుకలను హైదరాబాద్ దసపల్లా హోటల్‌లో నిర్వహించారు. ఈ సందర్భంగా నిర్మాత ప్రియాంక దత్ మాట్లాడుతూ- మా బ్యానర్‌లో వచ్చిన ‘పెళ్లి సందడి’ ‘శుభలగ్నం’ వంటి ఫ్యామిలీ ఎంటర్‌టైనర్స్ రేంజ్‌లోనే ‘సారొచ్చారు’ చిత్రాన్ని అందించాం. కమర్షియల్ ఎలిమెంట్స్.. రవితేజ నటన చిత్ర విజయానికి దోహదం చేశాయి. మరిన్ని మంచి చిత్రాలు తీస్తాం. పరశురామ్ దర్శకుడిగా పెద్ద హీరోతో సినిమాను త్వరలోనే ప్రకటిస్తామ’ని తెలిపారు.
దర్శకుడు పరశురామ్ మాట్లాడుతూ - మొదటి సినిమాతోనే నాకన్నీ వచ్చని నేను ఎప్పుడూ అనుకోలేదు. నేను రాసే ప్రతి డైలాగ్ ప్రేక్షకులకు రీచ్ అవ్వాలని అనుకుంటా. నిర్మాత సహకారం, విజయ్ ఫొటోగ్రఫీ, దేవిశ్రీ ప్రసాద్ సంగీతం సినిమాకి హైలైట్ అని తెలిపారు. ఈ కార్యక్రమంలో చిత్ర నిర్మాత ప్రియాంక దత్, స్వప్నదత్, దర్శకుడు పరశురామ్, డిఓపి విజయ్ కె.చకవ్రర్తి, ఆర్ట్ డైరెక్టర్ సాహి సురేష్ తదితరులు పాల్గొన్నారు.
వైజయంతి సంస్థ సమర్పణలో త్రీ ఏంజెల్స్ స్టూడియో
english title:
s
Date:
Sunday, December 23, 2012