శివగణేష్‌ని దర్శకుడిగా పరిచయం చేస్తూ వివేక్ ముత్యాల హీరోగా ఫ్రెండ్స్ ఫిల్మీ ప్రొఫైల్ బ్యానర్‌లో త్వరలో చిత్రం ప్రారంభం కానుంది. ఈ చిత్రానికి సంబంధించిన పాటల రికార్డింగ్ శనివారం ఆర్.పి.పట్నాయక్ రికార్డింగ్ స్టూడియోలో ప్రారంభమైంది. పూజా కార్యక్రమాల అనంతరం సంగీత దర్శకుడు అజయ్ పట్నాయక్ మాట్లాడుతూ - ‘నేలను తాకే వర్షం’ అనే పాటను రికార్డింగ్ చేశాం. ఈ చిత్రంలో మొత్తం ఏడు పాటలుంటాయి. ఒక్కో పాటను ఒక్కో సంగీత దర్శకుని చేత పాడించాం. మొదటి పాటను ఆర్.పి. పట్నాయక్ గానం చేశారని తెలిపారు. దర్శకుడు శివగణేష్ మాట్లాడుతూ - జనవరి రెండో వారంలో సినిమా షూటింగ్ ప్రారంభమవుతుంది. హైదరాబాద్, అరకు తదితర ప్రాంతాల్లో సినిమాను చిత్రీకరిస్తాం. ఇతర వివరాలను త్వరలోనే వెల్లడిస్తామని అన్నారు. ఈ చిత్రానికి మాటలు: సుధాకర్, పాటలు: శోభన్ యం. విజయభాస్కర్, సంగీతం: అజయ్ పట్నాయక్, నిర్మాణం: ఫ్రెండ్స్ ఫిల్మీ ప్రొఫైల్, కథ, స్క్రీన్‌ప్లే, దర్శకత్వం: శివగణేష్.
శివగణేష్‌ని దర్శకుడిగా పరిచయం చేస్తూ
english title:
friends
Date:
Sunday, December 23, 2012