‘దొంగలకు దొంగ’ జాకీచాన్

లక్ష్మీగణపతి ఫిలింస్ ద్వారా జాకీచాన్ స్వీయ దర్శకత్వంలో నిర్మించిన చిత్రం ‘సిజెడ్ 12’. ఈ చిత్రాన్ని బి.సుబ్రహ్మణ్యం, సురేష్ ఎస్ తెలుగు ప్రేక్షకులకు అందించనున్నారు. ఈ నెల 28న తెలుగు, హిందీ, ఇంగ్లీష్ భాషలలో విడుదలకు సిద్ధమవుతున్న ఈ చిత్ర విశేషాలను చిత్ర నిర్మాత బి.సుబ్రహ్మణ్యం తెలియజేస్తూ - జాకీచాన్ చిత్రాలంటే ఇష్టపడని వారుండరు. ప్రాణాలకు తెగించి జాకీచాన్ చేసే ఫైట్స్, ఛేజింగ్స్ ప్రత్యేక ఆకర్షణ. ఈ చిత్రానికి సంబంధించి జాకీచాన్ రెండు గిన్నిస్ బుక్ ఆఫ్ వరల్డ్ రికార్డులను సొంతం చేసుకోవడం విశేషం. కథానుసారం భారతదేశంలో 12 రాసులు ఉన్నట్టే చైనా వారికీ 12 రాసులే ఉంటాయి. ఈ పనె్నండు రాసుల తలలను సాధించడమే ఈ చిత్రంలో హీరో టార్గెట్’ అంటూ వివరించారు.