Clik here to view.
అందమైన తన నడుముతో ప్రేక్షకులపై సమ్మోహనాస్త్రాలను సంధించిన ఇలియానా తాజాగా - తెలుగులో కూడా మంచి పాత్రలు చేయాలని ఉవ్విళ్లూరుతోందిట. ఇప్పటి వరకూ చేసినవి మంచి పాత్రలు కాదా? అని ప్రశ్నిస్తే- అవన్నీ అభినయానికి ప్రాధాన్యత లేని ‘నాభి’నయం పాత్రలంటోంది. ఇన్నాళ్లు గ్లామర్ స్టార్‌గా నెట్టుకొచ్చినా - ప్రస్తుతం ఒక్క సినిమా చేతిలో లేదు. తాజాగా ఓ అగ్ర హీరో సరసన నటించే అవకాశం వస్తే కాదు పొమ్మంది. విషయమేమిటంటే - ‘బర్ఫీ’ చిత్రం చూడలేదా? అని ప్రశ్నిస్తోంది. ఆ చిత్రంలో పాత్ర లాంటిది అయితేనే చేస్తానంటోంది. ఇలియానాకు విషయం అర్థమయినట్లు లేదు. ‘బర్ఫీ’లాంటి పాత్రలు చేయటానికి తెలుగులో చాలామంది ఉన్నారన్న సంగతి. తెలుగులో కేవలం ఆమె నడుమును చూడాలనుకునేవాళ్లే ఉన్నారన్నదీ గ్రహించలేక పోతోంది. అది గుర్తించిన నాడు మళ్లీ నటిస్తానంటుందో ఏమో? అప్పటి వరకూ అవకాశాలు వెతుక్కుంటూ రావాలి కదా!
