ఆదిలాబాద్‌ రోడ్డు ప్రమాదంలో ఆరుగురు దుర్మరణం

ముధోల్, ఫిబ్రవరి 9: ఆదిలాబాద్ జిల్లా ముధోల్ మండలంలోని సరోడ గ్రామ సమీపంలో గురువారం అర్ధరాత్రి జరిగిన ఘోర రోడ్డు ప్రమాదంలో ఆరుగురు మృతి చెందారు. మండలంలోని విక్టోలి తండాకు చెందిన వారు ఆటోలో బైంసా వైపు వెళుతుండగా బైంసా నుంచి ఎదురుగా వస్తున్న డిసిఎం వ్యాన్ ఢీకొనడంతో ఈ ప్రమాదం జరిగింది. మృతుల్లో మహిళలు, పిల్లలు ఉన్నారు. మృతులంతా విక్టోలి తండాకు చెందిన వారే. ముధోల్ పోలీసులు సంఘటనా స్థలానికి చేరుకుని క్షతగాత్రులను బైంసా ఏరియా ఆసుపత్రికి హుటాహుటిన తరలించారు.