కొవ్వూరు, మార్చి 8: వివిధ ప్రాంతాల్లో జిఎన్‌టి రోడ్లపై ఆగివున్న లారీల నుండి బ్యాటరీలను దొంగిలించిన నలుగురు సభ్యులున్న ముఠాను కొవ్వూరు రూరల్ ఎస్సై అర్జునరాజు, దేవరపల్లి ఎస్సై ఎన్ సుభాష్, సిబ్బంది చాకచక్యంగా పట్టుకుని వారి నుండి సుమారు మూడు లక్షల రూపాయల విలువైన 33 బ్యాటరీలను స్వాధీనం చేసుకున్నారు. కొవ్వూరు రూరల్ పోలీసు స్టేషన్‌లో ఎస్సై అర్జునరాజు శుక్రవారం విలేఖర్లతో మాట్లాడుతూ కొవ్వూరు రూరల్, పట్టణ, తాళ్లపూడి, దేవరపల్లి పోలీసుస్టేషన్ల పరిధిలో లారీల నుండి బ్యాటరీలను దొంగిలించిన దేవరపల్లి మండలం దుద్దుకూరు గ్రామానికి చెందిన గొల్లపల్లి సోమరాజు, గొల్లపల్లి సీతయ్య, కోనాల సురేష్, కోనాల లంకయ్యను శుక్రవారం అరెస్టు చేసినట్టు ఆయన తెలిపారు. వీరి వద్ద నుండి 33 బ్యాటరీలను స్వాధీనం చేసుకున్నామని తెలిపారు. వీరు దొంగిలించిన బ్యాటరీలను బందపురం రోడ్డులోని ఒక పాకలో దాచి వుంచారని, ఈ నలుగురిని దేవరపల్లి-గోపాలపురం రోడ్డులో అరెస్టు చేసినట్టు తెలిపారు. దేవరపల్లి పోలీసుస్టేషన్ పరిధిలో 20 బ్యాటరీలు, కొవ్వూరు రూరల్ స్టేషన్ పరిధిలో పది, పట్టణ పరిధిలో రెండు బ్యాటరీలు, తాళ్లపూడి పోలీసు స్టేషన్ పరిధిలో ఒక బ్యాటరీ దొంగిలించినట్టు తెలిపారు.
వివిధ ప్రాంతాల్లో జిఎన్‌టి రోడ్లపై ఆగివున్న లారీల నుండి
english title:
battery
Date:
Saturday, March 9, 2013