మహిళపై గ్యాంగ్ రేప్

జడ్చర్ల, మార్చి 18: మహబూబ్‌నగర్ జిల్లా జడ్చర్ల మండలంలోని నసరుల్లాబాద్‌లో మహిళపై సామూహిక అత్యచారం జరిగింది. తలకొండపల్లి మండలం జూలపల్లి గ్రామానికి చెందిన వివాహిత సోదరిని కలిసేందుకు నసరుల్లాబాద్ గ్రామానికి వెళ్లగా ఏడుగురు వ్యక్తులుదాడి చేసి అత్యాచారం చేశారు. ఆదివారం ఆమె నడుచుకుంటూ వస్తుండగా చర్లపల్లి గ్రామ శివారు లో ఆటోలో వెంబడించిన రాజు, పరుశరాములు, జంగయ్య, ఊశయ్య, శ్రీనివాసులు, మాణిక్యం, వెంకటేశ్ సమీపంలోని పొలంలోకి లాక్కెళ్లి అత్యాచారానికి ఒడిగట్టారని తెలిపారు. అనంతరం జడ్చర్ల ప్రభుత్వ ఆసుపత్రిలో వదిలివేసి వారి వద్ద ఉన్న రెండు ఫోన్లు, రూ. 10వేల నగదు దొంగిలించారని సిఐ వెంకటరమణ తెలిపారు. ఘటనకు పాల్పడిన ఆరుగురిని అదుపులోకి తీసుకున్నామని, ఒకరు పరారీలో ఉన్నారని ఆయన తెలిపారు.