అల్లు శిరీష్, యామీగౌతమ్ జంటగా రాధామోహన్ దర్శకత్వంలో ప్రముఖ నటుడు, నిర్మాత ప్రకాష్‌రాజ్ నిర్మిస్తున్న చిత్రం ‘గౌరవం’. ఈ చి త్రం ప్రకాష్‌రాజ్ ప్రొడక్షన్ బ్యానర్‌పై తెరకెక్కుతోంది. దీనికి థమన్ ఎస్.ఎస్. సంగీతాన్ని అందించారు. ఈ చిత్రానికి సంబంధించిన పాటలు ఇటీవలే ఐపిఎల్ మ్యాచ్ సందర్భంగా విడుదలయ్యాయి. ఈ పాటలకు మంచి స్పందన లభిస్తోందని నిర్మాత ప్రకాష్‌రాజ్ తెలిపారు. ఈ పాటలకు థమన్ చక్కటి సంగీతాన్ని అందించారని ఆయన తెలిపారు. మా బ్యానర్‌లో మొట్ట మొదటి సారిగా మెగా ఫ్యామిలీ నుండి శిరీష్‌ని హీరోగా పరిచయం చేయడం చాలా ఆనందంగా వుంది. ఈ చిత్ర దర్శకుడు రాధామోహన్ ఓ కమిట్‌మెంట్ వున్న దర్శకుడు. తన చిత్రాలు ఆకాశమంతా, గగనం లాంటి సినిమాలతో తనేంటో నిరూపించుకున్నాడు. ఇప్పుడు ‘గౌరవం’ చిత్రం కూడా అందర్నీ ఆలోచింపజేస్తుందన్న నమ్మకం నాకుంది అని ఆయన తెలిపారు. అల్లు అరవింద్ మాట్లాడుతూ-‘‘ప్రకాష్‌రాజ్‌కి ధన్యవాదాలు తెలుపుకుంటున్నాను. మెగా ఫ్యామిలీ అంటే ఆయనకు ఎంతో అభిమానం. ఆ అభిమానమే మా అబ్బాయిని హీరోగా పరిచయం చేయడానికి కారణమయింది. ఈ చిత్రం పాటలకు మంచి స్పందన లభించింది. మంచి కానె్సప్ట్‌కి మంచి దర్శకుడు దొరికితే ‘గౌరవం’లాంటి మంచి సినిమాలు వస్తాయనేది వాస్తవం. ఈ చిత్రానికి థమన్ చక్కటి సంగీతాన్ని అందించారు. ఏప్రిల్ 19న ఈ చిత్రాన్ని ప్రేక్షకుల ముందుకు తీసుకువస్తున్నాం’’అని చెప్పారు. సంగీత దర్శకుడు థమన్ మాట్లాడుతూ-‘‘మంచి చిత్రానికి సంగీతాన్ని అందించే అవకాశం రావడం అదృష్టంగా భావిస్తున్నాను. ఈ అవకాశాన్ని ఇచ్చిన నిర్మాత ప్రకాష్‌రాజ్‌కి, దర్శకుడు రాధామోహన్‌కి నా ప్రత్యేక ధన్యవాదాలు తెలుపుకుంటున్నాను’’అని తెలిపారు. పాటల రచయిత చంద్రబోస్ మాట్లాడుతూ-‘‘మెగా ఫ్యామిలీలో అందరి హీరోలకు నేను పాటలు రాశాను. కానీ శిరీష్ మొట్ట మొదటి చిత్రానికే నేను పాటలు రాయడం చాలా ఆనందంగా వుంది. మంచి ట్యూన్స్‌కి సాహిత్యాన్ని అందించే అవకాశం ఇచ్చిన దర్శక, నిర్మాతలకు కృతజ్ఞతలు తెలుపుకుంటున్నా’’ అని తెలిపారు. హీరో శిరీష్ మాట్లాడుతూ-‘‘ఇలాంటి చక్కటి కథని నాతో నిర్మించడానికి ముందుకు వచ్చిన నిర్మాత ప్రకాష్‌రాజ్‌కి, దర్శకుడు రాధామోహన్‌కి నా కృతజ్ఞతలు తెలుపుకుంటున్నానని పేర్కొన్నారు.