Clik here to view.
నవదీప్, శ్రీహరి, రీతూబర్మేచా ప్రధాన తారాగణంగా కార్తికేయ గోపాలకృష్ణ దర్శకత్వంలో బి.ఎమ్.స్టూడియోస్ పతాకంపై బత్తుల రతన్‌పాండు, మహంకాళి దివాకర్ నిర్మించిన చిత్రం ‘వసూల్ రాజా’. ఈ చిత్రానికి ఉగాదికి ప్రేక్షకుల ముందుకు తీసుకురావడానికి సన్నాహాలు చేస్తున్నారు. ఈ సందర్భంగా దర్శకుడు గోపాలకృష్ణ చిత్ర విశేషాలను వివరిస్తూ-‘‘ ఈ ప్రపంచమంతా ‘మనీ’ చుట్టూనే తిరుగుతోంది. మా సినిమా కూడా మనీ చుట్టూనే తిరుగుతుంది. ఇందులోని పాత్రీ పాత్ర డబ్బుకోసం ఆలోచిస్తూ ఉంటుంది. ఈ డబ్బు వెంపర్లాట అంతా చాలా వినోదాత్మకంగా ఉంటుంది. ఇందులో దొంగగా నవదీప్, పోలీస్‌గా శ్రీహరి నటిస్తున్నారు. వీరిద్దరి అనుబంధమే ఈ సినిమాకు కీలకం’’ అని చెప్పారు. నిర్మాతలు మాట్లాడుతూ-‘‘ఇది పక్కా మాస్, యాక్షన్ ఎంటర్‌టైనర్. బ్రహ్మానందం ఎపిసోడ్ ఈ సినిమాకే హైలైట్‌గా చెప్పవచ్చు. ఇటీవల విడుదలైన పాటలకు మంచి స్పందన లభించింది. చిత్రీకరణ కూడా చాలా బాగా వచ్చింది. ఈనెల 11న చిత్రాన్ని విడుదల చేస్తున్నాం’’అని తెలిపారు. ఈ చిత్రానికి మాటలు: రామస్వామి, సంగీతం: చిన్ని చరణ్, కెమెరా: కృష్ణప్రసాద్.
