రాజా, సోనూచోప్డా, అజయ్ ప్రధానపాత్రధారులుగా ఎ భూమిజ సినిమా పతాకంపై ఎ.వి.వి.నాయుడు దర్శకత్వంలో డి.రమేష్‌బాబు నిర్మించిన ‘పార్కింగ్’ చిత్రానికి సంబంధించిన ట్రైలర్లు విడుదలయ్యాయి. దర్శకుడు వి.సాగర్ ట్రైలర్లను విడుదల చేశారు. ఈ సందర్భంగా చిత్ర దర్శకుడు నాయుడు మాట్లాడుతూ యువతకు సందేశం అందించే విధంగా నిర్మించిన ఈ చిత్రంలో అందాన్ని చూసి ఆనందించినా, వీలైతే దాన్ని సొంతం చేసుకున్నా సంతోషంగా ఉంటుందని, అలా కాకుండా అక్రమ మార్గాలలో అందాన్ని సొంతం చేసుకోవాలని రావణాసురుడిలా మారవద్దన్న సందేశం ఈ చిత్రం ఇస్తుందని తెలిపారు. అన్ని కార్యక్రమాలు పూర్తిచేసి త్వరలో విడుదల చేస్తామని ఆయన వివరించారు. కార్యక్రమంలో టి.ప్రసన్నకుమార్, ఎమ్మెస్ కోటారెడ్డి, డి.రమేష్‌బాబు చిత్రం గురించి వివరించారు. జాకీ, రావుశ్రీ, కాదంబరి కిరణ్‌కుమార్, ముంతాజ్, ఇషావర్మ తదితరులు నటిస్తున్న ఈ చిత్రానికి మాటలు, పాటలు: కాంచనపల్లి రాజేంద్రబాబు, సంగీతం: బాబూశాస్ర్తీ, కెమెరా: శ్రీకర్‌బాబు, నిర్మాత: డి.రమేష్‌బాబు, దర్శకత్వం: ఎ.వి.వి.నాయుడు.