మానస్, ఆరుషి జంటగా మా మూవీస్ పతాకంపై వి.ఆర్.దొరైరాజు దర్శకత్వంలో గంగవరపు శ్రీనివాసులునాయుడు, జి.నరసయ్య, కృత్య నిర్మిస్తున్న సినిమా ‘ప్రేమంటేనే చిత్రం’. ఈ చిత్రానికి సంబంధించిన షూటింగ్ పూర్తయింది. ప్రస్తుతం పోస్ట్ ప్రొడక్షన్ కార్యక్రమాలు జరుపుతున్నారు. ఈ సందర్భంగా చిత్ర నిర్మాతలు మాట్లాడుతూ నేటి యువత ఎదుర్కొంటున్న అనేక సమస్యల నేపధ్యంలో ఈ చిత్రం సాగుతుందని, కొన్ని యధార్థ సంఘటనల ఆధారంగా కథను తయారుచేసుకున్నామని, ఎంటర్‌టైన్‌మెంట్ ఉంటూనే సందేశాన్ని అందించే ఫీల్‌గుడ్ మూవీగా నిర్మించామని తెలిపారు. చిత్రానికి సంబంధించిన పాటలను ఈనెలలో విడుదల చేయడానికి సన్నాహాలు చేస్తున్నామని వారు అన్నారు. ఎమ్మెస్ నారాయణ, జీవా, గౌతంరాజు, అల్లరి సుభాషిణి, కోటేశ్వరరావు, మాధవి, రాజేంద్ర, కాంచనమణి, జయంతి, శివపార్వతి, శారద, గాయత్రి, డి.ఎం.కె తదితరులు నటిస్తున్న ఈ చిత్రానికి సంగీతం: ఎం.జి.కె.ప్రవీణ్, ఎడిటింగ్: మార్తాండ్ కె.వెంకటేష్, కెమెరా: జి.సెల్వకుమార్, కథ, మాటలు, స్క్రీన్‌ప్లే, దర్శకత్వం: వి.ఆర్.దొరైరాజు.