ఎలుక కొరికిన పుస్తకంలో
అక్షరాలా మరకలింకా పోలేదు
బుక్కునిండా బురద అంటినా
కవిత్వ పరిమళం మాయలేదు
వరద మిగిల్చిన చేదు సాక్ష్యంలో
అక్షరాల తడి ఆరలేదు
బురద పోసుకున్న బుక్కులకు
అనుబంధం ఎక్కువైంది
తీద్దామంటే ఒక్క పేజీ
వీడి రావటం లేదు
రెక్కలూడిన పక్షుల్లా కొన్ని
పెచ్చులూడిన గోడల్లా మరికొన్ని
అనాధ పిల్లల్లా
అర్ధరాత్రి ఆడపిల్లల్లా
వరద మిగిల్చిన చేదు సాక్ష్యంతో
అక్షరాల వేడి తగ్గలేదు
ఎలుక కొరికిన పుస్తకంలో
english title:
dukha
Date:
Monday, April 22, 2013