హరి దర్శకత్వంలో సూర్య హీరోగా వచ్చిన ‘సింగం’ తమిళ, తెలుగు, హిందీ భాషల్లో విడుదలై ఎంతటి సంచలన విజయాన్ని నమోదు చేసుకుందో అందరికీ తెలిసిందే. యాక్షన్ ఎంటర్‌టైనర్‌గా వచ్చిన ఈ సినిమా అన్ని భాషల్లో బాక్సాఫీస్‌ను షేక్ చేసి కలెక్షన్ల వర్షం కురిపించింది. ఈ చిత్రానికి సీక్వెల్ వస్తుందటేనే ఎందరో దృష్టి అటువైపు పడింది. ‘సింగం-2’ ఏ రేంజ్‌లో వుండబోతుందోనన్న చర్చలు జరిగాయి. సిక్స్‌ప్యాక్ బాడీతో సూర్య ఇందులో తన నటనతో పెద్ద వీరంగమే చేయనున్నాడట. ఈ చిత్రానికి సంబంధించిన ఫస్ట్‌లుక్ ట్రైలర్ ఇటీవలే విడుదలై అందర్నీ
ఆకట్టుకుంది. తొలి భాగాన్ని మించి రెండవ భాగం వుండడంతో ఈ చిత్రంపై అప్పుడే భారీ అంచనాలు నెలకొన్నాయి. ‘సింగం’ తర్వాత మంచి విజయం కోసం పరితపిస్తున్న సూర్య ఇందులో తన నటనతో సింహగర్జన
చేయనున్నట్లు దర్శకుడు హరి చెబుతున్నారు. త్వరలో ఈ చిత్రం ప్రేక్షకుల ముందుకు రాబోతోంది.
సూర్యకు ఈ చిత్రం ఎలాంటి విజయాన్ని అందిస్తుందో వేచిచూడాల్సిందే!