అంటున్నారు తాజాగా టాలీవుడ్‌లో ఆమె పరిస్థితిని చూసి. వెండితెరే టార్గెట్‌గా ఎంతో కాలంగా ఎదురుచూస్తున్న ఈ ముదురుభామ, ఇప్పుడు తెలుగు చిత్ర పరిశ్రమలో హాట్ హాట్ టాపిక్‌గా మారిపోయింది. ‘గుండెజారి గల్లంతయ్యిందే’లో నితిన్‌తో స్టెప్పులేసిన ఈ సుందరి ఆ చిత్రం మంచి విజయాన్ని నమోదుచేసుకున్నా, ఆమెకు మాత్రం ఎలాంటి పేరురాలేదు. ఐటమ్‌గాళ్‌గా ఆ సినిమాలో తను వేసిన స్టెప్పులకు ప్రేక్షకుల నుంచి, పరిశ్రమ నుంచి ఎలాంటి స్పందన లభించకపోగా, ఆమె డాన్స్, లుక్స్‌పై సర్వత్రా విమర్శలు చోటుచేసుకున్నాయి. దీనంతటికీ కారణం ఆ చిత్రం హీరో నితినే అంటూ గుత్తా ఎక్కడపడితే అక్కడ ఆడిపోసుకుంటుందట. హీరో ప్రభాస్‌కు జోడీగా నటించాలనుందంటూ కలలుగన్న ఈ బ్యూటీ పరిస్థితి పాపం..ఇలా మారిందేమిటబ్బా అంటూ అందరూ చర్చించుకుంటున్నారు. ప్రత్యేక పాటలో నర్తిస్తే పేరుకు పేరు, అవకాశాలకు అవకాశాలు మెండు లభిస్తాయని ఆశపడ్డ గుత్తా, ఇలా భంగపడింది. ఈ చిత్రంలో చేసిన పాటలో ఎంతో ఎబ్బెట్టుగా కనిపించిందన్న ప్రేక్షకులూ లేకపోలేరు. ఈ విషయం గురించే నితిన్‌తో గుత్తా చెప్పడం జరిగింట. డాన్స్ మూమెంట్స్‌కూడా కొన్ని చోట్ల బాగాలేవన్న విమర్శలు వచ్చినా పోస్ట్ ప్రొడక్షన్‌లో ఇవన్నీ సరిదిద్దుతారులే అనుకుంది గుత్తా. వీటన్నింటికీ భిన్నంగా చిత్రం విడుదలయ్యాక డాన్స్‌లో తనని తాను చూసుకున్నా గుత్తా ఎంతో విచారం వ్యక్తం చేసినట్లు సమాచారం. ఏది ఏమైనప్పటికీ గుత్తాకు ఇక టాలీవుడ్ అవకాశాలు వస్తాయన్న నమ్మకం మాత్రం చెదిరిపోయిందట. పాపం..గుత్తా!!