టాలీవుడ్‌లో తాజాగా ఏ ఆడియో ఫంక్షన్‌లో చూసినా అనసూయే కనిపిస్తోంది. యాంకర్‌గా ఆమె హావభావాలు, చిలిపిచేష్ఠలు, ముద్దు ముద్దు మాటలు..ఇలా ఒకటేమిటి ఎన్నో ఎనె్నన్నో..చలోక్తులు, చతురోక్తులతో ప్రేక్షకులనే గాక, అక్కడ వున్న తారాలోకాన్ని సైతం
ఆకట్టుకుంటోంది. యాంకర్‌గా కెరీర్ ప్రారంభించిన తొలినాళ్లలో పాటల విడుదల
కార్యక్రమాలను ఆసక్తికరంగా నడిపించడానికి ఎన్నో ఇబ్బందులు ఎదుర్కొన్న
ఈ అమ్మడు ఇప్పుడు తాజాగా తన యాంకరింగ్‌తో మతులు పోగొడుతోంది.
ఇప్పుడు ఆమెకే మంచి డిమాండ్. జీ-తెలుగు ‘బిందాస్’ గేమ్‌షో నుంచి నటి సంగీత బైటికొచ్చేశాక ఈ షోలోకి ఎంటరైన అనసూయకు మంచి డిమాండ్ పెరిగింది. ఈ గేమ్‌షో ద్వారా ఆమె వీక్షకులను ఎంతగానో అలరించింది. డిమాండ్‌కు తగ్గట్టే దీపముండగానే ఇల్లు చక్కబెట్టుకోవాలన్న ఆలోచన వచ్చిందే తడవుగా, తన పారితోషికాన్ని అమాంతం పెంచేసిందట. ప్రస్తుతం అనసూయ ఏ ఆడియో ఫంక్షన్ నిర్వహించాలన్న గంటకు లక్ష చొప్పున డిమాండ్ చేస్తోందిట. ఈటీవీ ‘జబర్ధస్త్’ కార్యక్రమం ద్వారా వెలుగులోకి వచ్చిన ఈ భామ, ఇంతగా డిమాండ్ చేయడం చూసి అందరూ ఆశ్చర్యపోతున్నారు. గతంలో ఈమె 40 నుంచి 50వేల రూపాయల వరకు ఒక్కో ప్రోగ్రామ్‌కు పారితోషికంగా తీసుకునేది. ఇప్పుడు పాపులారిటీ బాగా పెరిగిపోవడంతో, గంటకు ఇలా పెద్ద మొత్తంలో డిమాండ్ చేస్తోందిట. ఈ స్పీడు చూసి ఇతర యాంకర్‌లు బిత్తరపోతున్నారు. యాంకరింగ్‌తో పాటు స్కిన్‌షో చేయడం వల్లే ఇలా ఆమెకు పాపులారిటీ పెరిగిపోతుందని, అంతేగాక హాట్‌హాట్‌గా కనిపించేలా డ్రెసింగ్ చేసుకోవడం కూడా మరో కారణమని చెబుతున్నారు. ఓ పెద్ద హీరో సరసన ఐటమ్‌సాంగ్‌కు రెడీ అవుతున్నట్లు తాజా సమాచారం. ఏది ఏమైనా ఇప్పుడు
అనుసూయ అంటే టాలీవుడ్‌లో హాట్ హాట్ యాంకరే సుమా!!