ఐడియా

* సాధ్యమైనంతవరకూ మృదువయిన హెయిర్ బ్రష్‌లను, పళ్ళు దూరంగా ఉండే దువ్వెనలను ఉపయోగిస్తుంటే శిరోజాలు త్వరగా రాలిపోవు.
* నిమ్మచెక్కలను బాగా ఎండబెట్టి పొడి చేసి, దాన్ని సీకాయ పొడిలో కలుపుకొని అభ్యంగన స్నానం చేస్తుంటే శిరోజాలు చక్కని మెరుపును సంతరించుకుంటాయి.
* నువ్వుల నూనె, ఉసిరికాయ రసం సమభాగాలుగా కలిపి, మరిగించి చల్లారాక, ప్రతిరోజూ తలకు రాసుకుంటే శిరోజాలు త్వరగా నెరవవు.
* జుట్టుపలచగా ఉంటే ప్రతిరోజూ పచ్చిపాలను కుదుళ్ళకు బాగా రాసి, ఓ గంట తర్వాత తల స్నానం చేస్తే రెండు మాసాలలో జుట్టు పెరగడం గమనించవచ్చు.
* జడలు గట్టిగా బిగించి వేసుకున్నట్లయితే శిరోజాలు రాలిపోతాయి. ఆరోగ్యవంతమైన శిరోజాల కోసం ఆహారంలో విటమిన్ ఎ, బి అధికంగా ఉండేటట్లు చూసుకోవాలి.