హైదరాబాద్, ఆగస్టు 13: నల్సార్‌లో వినూత్న ఎంబిఎ ప్రోగ్రాంను ప్రారంభించినట్టు వైస్ ఛాన్సలర్ ప్రొఫెసర్ ఫైజన్ ముస్త్ఫా తెలిపారు. ఎంబిఎ ప్రోగ్రాంను ఐఎస్‌బి డీన్ ఎం. రామమోహనరావు ప్రారంభించారు. ఈ సందర్భంగా ఆయన మాట్లాడుతూ యాజమాన్య విద్యకు, న్యాయవిద్యకు చాలా సామీప్యమైన అనుబంధం ఉంటుందని పేర్కొన్నారు. మార్కెట్ అవసరాలకు అనుగుణంగా ఈ ప్రోగ్రాంను రూపొందించడం అభినందనీయమని చెప్పారు. ఈ సందర్భంగా పలువురు పరిశ్రమ ప్రముఖులు విద్యార్ధులు సైతం మాట్లాడారు. స్వీయ అభ్యసనతో పాటు ప్రాయోగిక విద్యకు నల్సార్‌లో ఎంతో అవకాశం ఉందని వారు చెప్పారు. ఉత్తమ యాజమాన్య పాఠశాలగా కూడా నల్సార్ ఎదుగుతోందని వారు కొనియాడారు.
నల్సార్‌లో వినూత్న ఎంబిఎ ప్రోగ్రాంను ప్రారంభించినట్టు
english title:
nalsar
Date:
Wednesday, August 14, 2013