నేడు మంత్రి బొత్స పర్యటన

విజయనగరం, నవంబర్ 19: రాష్ట్ర రవాణాశాఖా మంత్రి బొత్స సత్యనారాయణ బుధవారం జిల్లాలో పర్యటించనున్నారు. ఈ నెల 20న ఉదయం 9.30 గంటలకు విశాఖపట్నం నుంచి బయలుదేరి 10.30 గంటలకు ఎల్‌కోటలో జరగనున్న రచ్చబండ కార్యక్రమంలో పాల్గొంటారు. అనంతరం మధ్యాహ్నాం 3 గంటలకు పార్వతీపురం మండలం నర్సిపురం గ్రామంలో గ్రామీణ నీటి సరఫరా విభాగానికి చెందిన రక్షిత మంచినీటి పథకాన్ని ప్రారంభిస్తారు. సాయంత్రం 4 గంటలకు పార్వతీపురంలో డిసిసిబి బ్రాంచి కార్యాలయ భవనాన్ని ప్రారంభిస్తారు. 5 గంటలకు బొబ్బిలి మున్సిపల్ కార్యాలయంలో సమీక్షిస్తారు. రాత్రికి విజయనగరంలో బస చేస్తారు. 21న ఉదయం 10.30 గంటలకు విజయనగరం మున్సిపల్ కార్యాలయంలో సమీక్ష, మధ్యాహ్నాం 3 గంటలకు గరివిడి మండలం శివరాం గ్రామంలో రచ్చబండలో పాల్గొంటారు. 22న భీమసింగి నుంచి జామి వరకు ఆర్ అండ్ బి రోడ్డు శంకుస్థాపన, 10.30 గంటలకు జామిలోను, మధ్యాహ్నాం 3 గంటలకు కొత్తవలసలో రచ్చబండ కార్యక్రమంలో పాల్గొంటారు.