‘లైఫ్ ఈజ్ బ్యూటీఫుల్’ ఫేమ్ సుధాకర్ కొమకుల హాలీవుడ్ స్టార్ నటాలీ రూబ్, సుజానే అదితి మాస్టర్ ప్రధాన పాత్రదారులుగా తెరకెక్కిన సస్పెన్స్ థ్రిల్లర్ ‘హాంగ్ అప్’. మాగ్నపిక్స్ మీడియా ఎంటర్‌టైన్‌మెంట్ పతాకంపై తిర్తంకార్ దాస్ ఈ చిత్రాన్ని నిర్మించారు. హైదర్‌బిల్ గ్రామీ, తిర్తంకార్ దాస్ సంయుక్తంగా ఈ చిత్రాన్ని తెరకెక్కించారు. అతి త్వరలో సినీ రంగ ప్రముఖుల సమక్షంలో ఈ సినిమా ఆడియోను విడుదల చేసేందుకు నిర్మాతలు సన్నాహాలు చేస్తున్నారు. ఈ సందర్భంగా నిర్మాత దాస్ మాట్లాడుతూ- ‘‘ఒక టీనేజ్ అమ్మాయి జీవితంలో అనుక్షణం ఊహించని పరిణామాలు జరుగుతుంటాయి. ఏ క్షణంలో ఏం జరుగుతోందీ అనే సస్పెన్స్‌తో ప్రేక్షకులు ప్రతి సన్నివేశాన్ని థ్రిల్‌గా ఫీలవుతారు. అన్ని వర్గాల ప్రేక్షకులను ఆకట్టుకునేలా ఈ అత్యాధునిక సాంకేతిక విలువలతో ఈ సినిమాను తెరకెక్కించడం విశేషం. ఈ చిత్రం ద్వారా తెలుగుతెరకు సరికొత్త డిజిటల్ టోన్‌ని, కలర్స్‌ని పరిచయం చేస్తున్నాం. పలు హాలీవుడ్ చిత్రాల్లో నటించిన నటాలీ రూట్ ఇందులో హీరోయిన్‌గా నటిస్తోంది. ‘లైఫ్ ఈజ్ బ్యూటీఫుల్’ చిత్రంతో చక్కని గుర్తింపు తెచ్చుకున్న సుధాకర్ కోమకుల, విలన్‌గా నటించిన మహేష్ శ్రీరామ్‌ల నటన, సంగీతం హైలైట్స్‌గా నిలుస్తాయి. నాన్‌స్టాప్ సస్పెన్స్ థ్రిల్లర్‌గా రూపొందిన ఈ చిత్రాన్ని అతి త్వరలో ప్రేక్షకుల ముందుకు తీసుకొస్తున్నాం’’ అని చెప్పారు. రఘుపతి ఏంజెలా కుమార్ ఫరోక్ ద్వారా ఇతర ప్రధాన పాత్రలు పోషించిన ఈ చిత్రానికి కెమెరా: హైదర్‌బ బిల్ గ్రామీ, పాటలు: కృష్ణ చైతన్య, లైన్ ప్రొడ్యూసర్: ఫరోక్ థార్వాలా.