Clik here to view.
ప్రభాస్, తమన్నా, దీక్షాసేథ్, ప్రధాన పాత్రధారులుగా శ్రీ బాలాజీ సినీ మీడియా పతాకంపై నిర్మిస్తున్న చిత్రం ‘రెబెల్’. రాఘవ లారెన్స్ దర్శకత్వంలో జె.్భగవాన్, జె.పుల్లారావు రూపొందిస్తున్నారు. ఈ చిత్రానికి సంబంధించిన క్లైమాక్స్ చిత్రీకరణ భారీ ఎత్తున చిత్రీకరించారు. ఈ సందర్భంగా చిత్ర దర్శకుడు మాట్లాడుతూ- ముగింపు సన్నివేశాల చిత్రీకరణ కోసం భారీ సెట్ నిర్మించామని, 30 మంది రష్యన్ ఫైటర్స్‌తో 20 రోజులపాటు ఈ షూటింగ్ చేశామని, మే 1 నుంచి చివరి షెడ్యూల్ ప్రారంభవౌతుందని, మేనెల చివరికి షూటింగ్ పూర్తవుతుందని తెలిపారు. ప్రభాస్ కెరీర్‌లోనే హయ్యస్ట్ బడ్జెట్ మూవీగా రూపొందుతున్న ఈ చిత్రంలో టేకింగ్ హైలెట్‌గా వుంటుందని దర్శకుడు రాఘవ లారెన్స్ అన్నారు. కృష్ణంరాజు, ప్రభ, ముఖేష్ రుషి, ప్రదీప్‌రావత్, సుప్రీత్, బ్రహ్మానందం, ఎం.ఎస్.నారాయణ, అలీ, కోవై సరళ తదితరులు నటిస్తున్నారు. ఈ చిత్రానికి కెమెరా:సి.రాంప్రసాద్, మాటలు:డార్లింగ్ స్వామి, ఎడిటింగ్: మార్తాండ్ కె.వెంకటేష్, ఫైట్స్: రామ్-లక్ష్మణ్, పాటలు: రామజోగయ్య శాస్ర్తీ, భాస్కరభట్ల, నిర్మాతలు: జె.్భగవాన్, జె.పుల్లారావ్, కథ, స్క్రీన్‌ప్లే, సంగీతం, డాన్స్, దర్శకత్వం: రాఘవ లారెన్స్.
