డెట్రాయిట్‌లో ‘ఆటా రోజు’

డెట్రాయిట్, ఏప్రిల్ 27: అమెరికాలోని డెట్రాయిట్‌లో గత వారాంతంలో ‘ఆటా రోజు’ ఉత్సవాలు, నిధుల సేకరణ, ఆటా చానల్ ప్రారంభోత్సవ కార్యక్రమాలు జరిగాయి. తెలుగు సంస్కృతీ సంప్రదాయాలను గురించి, ఆటా కార్యక్రమాలను గురించి డెట్రాయిట్‌లోని తెలుగువారికి తెలియజెప్పడంతో పాటు అట్లాంటాలో జూలై 6-8తేదీల్లో జరిగే ఆటా 12వ మహాసభకు నిధుల సేకరణ లక్ష్యంగా ఈ సమావేశాన్ని ఏర్పాటు చేయడం జరిగింది. ఆటా సభలకు డెట్రాయిట్ ప్రాంతం నుంచి లక్షా 11వేల డాలర్లను సేకరించడం విశేషం. స్థానికంగా నివసించే 350 మందికి పైగా తెలుగువారు హాజరై బాలల సాంస్కృతిక కార్యక్రమాలను తిలకించారు. చివర్లో పసందైన తెలుగు విందును ఆరగించారు.