తన నాల్గవ చిత్రాన్ని అఖండ విజయవంతం చేసిన ప్రేక్షక దేవుళ్లకు కృతజ్ఞతలు తెలుపుతున్నానని, దమ్ము చిత్రాన్ని ఇంటిల్లిపాది కలిసి చూడవచ్చని, ఎవరికివారు ఒక్కొక్క ఎమోషన్‌కు కనెక్ట్ అయి, చిత్రంలో లీనమైపోతారని దర్శకుడు బోయపాటి శ్రీను తెలిపారు. ఎన్టీఆర్, త్రిష, కార్తీక ప్రధాన పాత్రల్లో క్రియేటివ్ కమర్షియల్స్ పతాకంపై నిర్మించిన ‘దమ్ము’ చిత్రం విడుదలైన సంగతి తెలిసిందే. ఈ చిత్రానికి సంబంధించిన విజయోత్సవ కార్యక్రమాన్ని హైదరాబాద్ ఎఫ్.ఎన్.సి.సిలో ఏర్పాటుచేశారు. తారకరామారావు నటన విషయంలో అనేక షేడ్స్ చూపించగలడని తెలిపారు. నిర్మాత వల్లభ మాట్లాడుతూ ప్రపంచ వ్యాప్తంగా 1450 థియేటర్లలో ఈ చిత్రాన్ని విడుదల చేశామని, 12 కోట్ల నుండి 13 కోట్ల వరకు మొదటిరోజు కలెక్షన్లు వసూలయ్యాయని, కేవలం ఆంధ్రలోనే సుమారు 9కోట్ల వసూళ్లు వచ్చాయని ఆయన తెలిపారు. ఈ కార్యక్రమంలో కె.ఎస్.రామారావు పాల్గొన్నారు.
తన నాల్గవ చిత్రాన్ని అఖండ విజయవంతం చేసిన ప్రేక్షక దేవుళ్లకు కృతజ్ఞతలు తెలుపుతున్నానని,
english title:
andariki
Date:
Sunday, April 29, 2012