పుట్టుకతోనే ఎవరూ నటులు కారు. అలాగని నటించే సత్తా కొంతమందికే వుంటుందని అనుకోకూడదు. నటనకు కూడా శిక్షణ కావాలని, అటువంటి శిక్షణ తమ సంస్థ గ్లిటర్స్‌లో ఇస్తున్నామని సంస్థ డైరెక్టర్ దీపక్ తెలిపారు. హైదరాబాద్ బంజారాహిల్స్‌లో సంస్థ కార్యాలయంలో ఏర్పాటుచేసిన పాత్రికేయుల సమావేశంలో ఆయన మాట్లాడుతూ ఇటీవలే నందమూరి కళ్యాణ్‌రామ్ ఈ సంస్థను ప్రారంభించారని ఆయన తెలిపారు. పాత్రికేయుల సమావేశంలో కళ్యాణ్ మాట్లాడుతూ కమ్యూనికేషన్స్, పర్సనాలిటీ డెవలప్‌మెంట్ స్కిల్స్ ఈ సంస్థలో తర్ఫీదు ఇస్తామని, ఈ వేసవిలో కొత్త బ్యాచ్ మొదలవుతోందని, ఈ సంస్థలో ఇప్పటికే అనేక మంది నటీనటులు, సాంకేతిక నిపుణులు శిక్షణ తీసుకున్నారని, నేహాశర్మ, అనూప్‌కుమార్, సమీక్ష, లక్ష్మీకాంత్ చెన్న తదితరులు ఈ సంస్థ విద్యార్థులేనని ఆయన వివరించారు. కుబేర సినిమాస్ పతాకంపై ఈ సంస్థ పలు చిత్రాలను నిర్మించనుందని దీపక్ తెలిపారు.