ఆది, శాన్వి జంటగా ఆర్.ఆర్ మూవీ మేకర్స్, ఆర్.జె సినిమాస్ పతాకంపై రూపొందిన ‘లవ్‌లీ’ చిత్రం విడుదలైన సంగతి తెలిసిందే. బి.జయ దర్శకత్వంలో బి.ఎ.రాజు ఈ చిత్రాన్ని నిర్మించారు. ఈ చిత్రంలోని ఫైట్స్ లభిస్తున్న ఆదరణతో ఫైట్ మాస్టర్లు రామ్‌లక్ష్మణ్ పాత్రికేయులతో సమావేశమయ్యారు. ఈ సందర్భంగా వారు మాట్లాడుతూ చంటిగాడు చిత్రం నుండి ఈ సంస్థలో పనిచేస్తున్నామని, కథకు ఎలాంటి ఇబ్బంది లేకుండా ఫైట్స్ కావాలని దర్శకురాలు కోరడంతో ఆ విధంగా డిజైన్‌చేసి ఈ చిత్రంలో ఫైట్స్ అందించామని వారు తెలిపారు.క్లైమాక్స్, ఛేజింగ్ ఫైట్లకు ప్రతి థియేటర్‌లో మంచి ఆదరణ లభిస్తోందని, ముఖ్యంగా ఫైట్ మాస్టర్లుగా తాము సరికొత్తగా డిజైన్ చేసిన ఛేజింగ్ ఫైట్‌తో మంచి గుర్తింపు లభిస్తోందని వారు తెలిపారు. విడుదలై నాలుగు వారాలు పూర్తి అయినా ఇప్పటికీ హౌస్‌ఫుల్ కలెక్షన్లతో విజయవంతంగా ప్రదర్శింపబడుతున్న లవ్‌లీ చిత్రాన్ని ఆదరిస్తున్న ప్రేక్షకులకు కృతజ్ఞతలు తెలుపుతున్నామని నిర్మాత బి.ఎ.రాజు తెలిపారు. ఈ కార్యక్రమంలో దర్శకురాలు బి.జయ పాల్గొన్నారు.