పవన్‌కళ్యాణ్, శృతిహాసన్ జంటగా పరమేశ్వర ఆర్ట్ ప్రొడక్షన్స్ పతాకంపై రూపొందిన చిత్రం ‘గబ్బర్‌సింగ్’. హరీష్‌శంకర్ ఎస్ దర్శకత్వంలో బండ్ల గణేష్ ఈ చిత్రాన్ని నిర్మించారు. షూటింగ్ పూర్తిచేసుకున్న ఈ చిత్రం పోస్ట్ ప్రొడక్షన్ కార్యక్రమాలు జరుపుకుంటోంది. ఈ సందర్భంగా నిర్మాత గణేష్‌బాబు మాట్లాడుతూ షూటింగ్ అంతా పూర్తిచేసి, నిర్మాణాంతర కార్యక్రమాలు జరుపుతున్నామని, మే మొదటివారంలో సెన్సార్ కార్యక్రమాలు పూర్తిచేసి, రెండో వారంలో గ్రాండ్‌గా విడుదల చేయడానికి సన్నాహాలు చేస్తున్నామని తెలిపారు. ఇప్పటికే విడుదలైన పాటలకు మంచి ఆదరణ లభిస్తున్న నేపధ్యంలో ప్రేక్షకుల అంచనాలు పూర్తిగా నిజమవుతాయని ఆయన అన్నారు. మలైకా అరోరా, అభిమన్యుసింగ్, కోట శ్రీనివాసరావు, సుహాసిని, బ్రహ్మానందం, తనికెళ్ల భరణి, అజయ్, నాగినీడు, రావు రమేష్, ఫిష్ వెంకట్, అలీ, మాస్టర్ ఆకాష్, ప్రభాస్ శ్రీను తదితరులు నటించిన ఈ చిత్రానికి కెమెరా: జైనన్ వినె్సంట్, సంగీతం: దేవిశ్రీ ప్రసాద్, ఎడిటింగ్: గౌతంరాజ్, నిర్మాత: బండ్ల గణేష్, స్క్రీన్‌ప్లే, మాటలు, దర్శకత్వం: హరీష్‌శంకర్ ఎస్.