వెరా ఫిలిం కార్పొరేషన్ పతాకంపై ఓ.ఎస్.అవినాష్ దర్శకత్వంలో ఎస్.రామకృష్ణ నిర్మించిన చిత్రం ‘తెలుగబ్బాయి’. తనీష్, రమ్యనంబీసన్, తషూ కౌశిక్ ప్రధానపాత్రలుగా నటిస్తున్న ఈ చిత్రానికి సంబంధించిన పాటలకు ప్లాటినమ్ డిస్క్ లభించింది. ఈ సందర్భంగా హైదరాబాద్ ఫిలిం ఛాంబర్ హాలులో వేడుకలు నిర్వహించారు. దర్శకుడు పి.సునీల్‌కుమార్‌రెడ్డి బలభద్రపాత్రుని రమణి చిత్ర యూనిట్‌కు జ్ఞాపికలు అందజేశారు. నిర్మాత రామకృష్ణ మాట్లాడుతూ మలేషియా నేపధ్యంలో సాగే ఈ ప్రేమ కథలో పాటలు సరికొత్తగా ఉంటాయని, కెమెరా పనితనం హైలెట్‌గా నిలిచే ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలు జరుగుతున్నాయని తెలిపారు. వచ్చేవారం సెన్సార్ కార్యక్రమాలు పూర్తిచేసి, విడుదల తేదీ ప్రకటిస్తామని దర్శకుడు అవినాష్ అన్నారు. ఈ కార్యక్రమంలో తనీష్, సంగీత దర్శకుడు జోసెఫ్ తదితరులు పాల్గొన్నారు. నాగబాబు, లోహిత్, అనన్య, యామిని తదితరులు నటించిన ఈ చిత్రానికి కెమెరా: ప్రతాప్ వి.కుమార్, ఎడిటింగ్: ఓ.రవిశంకర్, కెమెరా: సాయికేశవన్, పాటలు: జె.ఎస్.నివాస్, నిర్మాత: ఎస్.రామకృష్ణ, రచన, దర్శకత్వం: ఓ.ఎస్.అవినాష్.