రాజయోగి పుష్పాంజలి క్రియేషన్స్ పతాకంపై గులాబీ శ్రీను దర్శకత్వంలో నిర్మిస్తున్న చిత్రం ‘టీ-సమోసా- బిస్కెట్’. శ్రీహరి, హంసానందిని ప్రధానపాత్రల్లో నటిస్తున్న ఈ చిత్రానికి సంబంధించిన షూటింగ్ దాదాపు పూర్తికావచ్చింది. ఇరానీ చాయ్ పేరు విననివారు లేరని, సామాన్యుడికి అందుబాటులో వుండే టీని నేడు తాగలేని స్థితిలో ఉన్నదని, ప్రజాజీవితం అస్తవ్యస్తమైపోతున్న నేపథ్యంలో ఈ చిత్రం అందరికీ నచ్చేలా నిర్మిస్తున్నామని దర్శకుడు గులాబీ శ్రీను తెలిపారు. సారధి స్టూడియోలో వేసిన ఇరానీ హోటల్ సెట్‌లో చిత్రీకరణ పూర్తయిందని, ఈ నెల ఆఖరు వారంలో ప్రారంభమయ్యే షెడ్యూల్‌లో క్లైమాక్స్ పూర్తవుతుందని నిర్మాతలు కట్టెల లక్ష్మణరావు, కోసూరి సుబ్రహ్మణ్యం తెలిపారు. షాయాజీషిండే, పోసాని కృష్ణమురళి, ధర్మవరపు, తమ్మారెడ్డి భరద్వాజ, యు.బి.రాజు, జీవా, ఎమ్మెస్ నారాయణ, ఎల్బీశ్రీరామ్ తదితరులు నటిస్తున్న ఈ చిత్రానికి సంగీతం: వందేమాతరం శ్రీనివాస్, కెమెరా: వి.శ్రీనివాసరెడ్డి, నిర్మాతలు: కట్టెల లక్ష్మణరావు, కోసూరి సుబ్రహ్మణ్యం, దర్శకత్వం: గులాబీ శ్రీను.