సందర్భానుసారంగా ప్రవర్తించి అందరినీ ఆకట్టుకుంటారు. సన్నిహితుల అభిప్రాయాలు సేకరించి మీ దినచర్యలో, లక్ష్య సాధనలో కావలసిన మార్పులు చేసుకుంటారు. స్పష్టమైన నిర్ణయాలు తీసుకుని కార్యోన్ముఖులవుతారు. ప్రయాణాలు, ప్రజాహిత కార్యక్రమాలు మీకు ఉత్సాహాన్ని కలిగిస్తాయి. రాతపనులు, రచనా వ్యాసంగాలు మీ ప్రాధాన్యతను ఇనుమడింపజేసేవిగా ఉంటాయి. ధన లోపం ఉండదు.
వృషభం (ఏప్రిల్ 21 - మే 21)
మీ నిర్ణయాలు అందరికీ ఆమోదయోగ్యంగా ఉంటాయి. ఆరోగ్యం మెరుగవుతుంది. కార్యవర్గం చురుకుగా పని చేస్తూండటంతో వ్యవహారాలు వేగం పుంజుకుంటాయి. నిలిచిపోయిన పనులు కొన్ని గాడిలో పడతాయి. ఆర్థిక లావాదేవీలు సంతృప్తికరంగా సాగుతాయనవచ్చు. ప్రత్యర్థులు, భాగస్వాములు మీ ప్రత్యేకతను, గొప్పతనాన్ని అర్థం చేసుకుంటారు. కుటుంబావసరాలు సకాలంలో తీర్చగలుగుతారు.
మిథునం (మే 22 - జూన్ 21)
మొండితనం, పట్టుదల వీడి కొన్ని విషయాలలో ఇతరుల అభిప్రాయాలు మన్నించడం అవసరం. 23, 24 తేదీల్లో ఆందోళన, అసహనం పెరిగినా మిగతా రోజులు ప్రోత్సాహకరంగా సాగుతాయి. కుటుంబ వ్యక్తులు, భాగస్వాములు మీకు అన్ని విధాలా సహకరిస్తారు. తెగువ చూపించి కొన్ని వ్యవహారాల్లో విజయం సాధిస్తారు. బహుముఖ ప్రజ్ఞావంతులయిన వారితో చర్చించి మీ సమస్యలకు మార్గాంతరాలు తెలుసుకుంటారు. మిత్రులను సందర్శిస్తారు.
కర్కాటకం (జూన్ 22 - జూలై 23)
ఇన్సూరెన్స్, రవాణా, ఆర్థిక రంగాల్లో నూతన పరిణామాలు ఏర్పడి మీకు ఆలోచనలను కలిగిస్తాయి. లక్ష్యసాధనలో ఏకాగ్రత చూపి అందరికంటే ముందుంటారు. క్షణం తీరిక లేకుండా పనిచేసి, సగంలో ఆగిన పనులను ఓ కొలిక్కి తీసుకువస్తారు. మీ వల్ల అభివృద్ధి, లాభం పొందినవారు కృతజ్ఞతలు తెలుపుకుంటారు. వాయిదాలు, బాకీలు చెల్లించి సంతృప్తి పొందుతారు. ప్రయాణాలు వాయిదా పడవచ్చు.
సింహం (జూలై 24 - ఆగస్టు 23)
మీరూహించిన విధంగా పనులు సాగుతున్నా తెలియని ఆందోళన, మనస్తాపం కలుగవచ్చు. సోదర వర్గంతో సంబంధాలు మెరుగవుతాయి. పోగొట్టుకున్న పరువు, ప్రతిష్ఠ తిరిగి సాధించే సూచనలున్నాయి. తలవని తలంపుగా వృత్తి, వాణిజ్యాలలో వ్యవహారాలు మీకు అనుకూలంగా మారుతాయి. పరోక్ష సహకారం అందించి కుటుంబ వ్యక్తుల అభివృద్ధికి కారకులవుతారు. ఆరోగ్యం పట్ల అశ్రద్ధ పనికిరాదు.
కన్య (ఆగస్టు 24 - సెప్టెంబర్ 23)
భారీ అంచనాలతో వ్యవహారాలను ప్రారంభించినా ఏ విషయంలోనూ ఏమరుపాటు పనికిరాదు. డబ్బు విరివిగా ఖర్చు చేసి కావలసిన వనరులు సమకూర్చుకో గలుగుతారు. మనోభీతిని వీడి, ప్రశాంతచిత్తంతో ఆలోచించడం శుభకరం. విదేశీ ప్రయాణాలకు అవకాశాలు మెరుగవుతాయి. సంతానం, విద్యకి సంబంధించిన ప్రయత్నాలు ప్రోత్సాహకరంగానే ఉంటాయి. చర్చలు, సమావేశాల ద్వారా మీ అనుమానాలు కొన్ని నివృత్తి చేసుకోగలుగుతారు.
తుల (సెప్టెంబర్ 24 - అక్టోబర్ 23)
ముఖ్యావసరాలపై దృష్టి నిలిపి వారాంతానికి ఫలితాలు అందుకుంటారు. మీ మీద అలిగిన వారు తిరిగి మీ వద్దకు చేరుతారు. పరిస్థితులను వివరించి సహచరులకు మార్గాంతరాలు తెలియజేస్తారు. వ్యవస్థలో ఉన్న లోపాలను సరిదిద్దే బాధ్యతను మీద వేసుకుంటారు. నూతన ప్రవర్తనా నియమావళికి రూపకల్పన చేస్తారు. ఆధ్యాత్మిక చింతన, యోగాభ్యాసం మీ మానసిక శక్తిని ద్విగుణీకృతం చేస్తాయి. ఆదాయం పెరుగుతుంది.
వృశ్చికం (అక్టోబర్ 24 - నవంబర్ 23)
ప్రత్యర్థుల అసంబద్ధ చర్యలకు చింతించాల్సిన పనిలేదు. ఇతరులపై ఆధారపడక మీకున్న అవకాశాలను సక్రమంగా వినియోగించుకోండి. రావలసిన ధనం ముందు వెనుకలుగా మీ చేతికందుతుంది. ఒప్పందాలు, రాతపనులు పునః పరిశీలన చేసి ముందడుగు వేయాల్సి ఉంటుంది. ఆస్తి లావాదేవీలు వాయిదా వేయడం ఉత్తమం. చింతలు వదిలి చిత్తాన్ని కేంద్రీకరించడం శ్రేయస్కరం.
ధనుస్సు (నవంబర్ 24 - డిసెంబర్ 22)
ఇతరులు మీ మీద సవారీ చేస్తున్నట్లనిపించినా చింతించకండి. సమయమిస్తే వారి తప్పును వాళ్లే సరిదిద్దుకుంటారు. ఉత్తర ప్రత్యుత్తరాలు, దినచర్యలు సక్రమంగానే సాగుతాయనవచ్చు. విందులు, వివాహాలకు కావలసిన వనరులను సమకూర్చుకునే ప్రయత్నం చేస్తారు. ఆదాయం మెరుగ్గానే ఉంటుంది. 25, 26 తేదీల్లో వ్యవహారాల్లో విజయం, సమాలోచనల ద్వారా నిర్ణయాలు ఉల్లాసాన్నిస్తాయి.
మకరం (డిసెంబర్ 23 - జనవరి 22)
సూక్ష్మదృష్టితో పరిశీలించి వ్యవహారాలను సక్రమ మార్గంలో నడిచేట్లు చేస్తారు. వృత్తి, ఉద్యోగాల్లో అనుకోని మార్పులు చోటు చేసుకున్నా నిలదొక్కుకొని లక్ష్యాలను చేరుకుంటారు. శుక్ర శనివారాలు కుటుంబ విషయాల్లో, క్రీడా సాంస్కృతిక రంగాల్లో మెరుగైన ఫలితాల నిస్తాయనవచ్చు. ఆత్మీయుల క్షేమ సమాచారాలు తెలుసుకుంటారు. మాటలు పొదుపుగా వాడితే కొన్ని వివాదాలు తలెత్తకుండా ఉంటాయి.
కుంభం (జనవరి 23 - ఫిబ్రవరి 20)
వివిధ రంగాల్లో మీకున్న పరిజ్ఞానం ఈ వారంలో ఉపయోగపడుతుంది. శ్రద్ధాసక్తులు ప్రదర్శించి నూతన విషయాలు ఆకళింపు చేసుకుంటారు. శారీరక శ్రమ తగ్గి, ఆరోగ్యం కుదుటపడుతుంది. కుటుంబ వ్యక్తుల అభివృద్ధికై మీరు చేసే కృషి సంతృప్తికర ఫలితాల నిస్తుంది. యోగాభ్యాసం, ఆధ్యాత్మిక చింతన ద్వారా ఆత్మస్థైర్యాన్ని పెంపు చేసుకోగలుగుతారు. ఆదాయం బ్యాంకు నిల్వలు పెంపుచేసేదిగా ఉంటుంది.
మీనం ( ఫిబ్రవరి 21 - మార్చి 20)
పరిమిత వనరులున్నా సక్రమంగా వినియోగించి అందరినీ సంతృప్తిపరుస్తారు. సరళ రీతిలో ఆలోచించి, రాబోయే ఇబ్బందులకు తగిన తరుణోపాయాలు వెతుకుతారు. వృత్తిపరంగా మీ కృషికి తగిన గౌరవాదరాలు పొందుతారనడంలో సందేహం లేదు. తాత్కాలిక శ్రమ, వత్తిడి ఉన్నా శాశ్వత ప్రయోజనాల నాశించి అన్నింటినీ భరిస్తారు. రాజకీయ, సామాజిక రంగాల్లో మీ కృషి వివిధ వర్గాలలో నూతన ఆలోచనలు రేకెత్తిస్తాయి. వందిమాగధులను అదుపు చేయండి.
