వేగా ఎంటర్‌టైన్‌మెంట్స్, దుర్గా ఆర్ట్స్ ప్రొడక్షన్స్ పతాకంపై శ్యామ్‌ప్రసాద్ దర్శకత్వంలో వై.రాణి, విక్రమ్‌రాజు నిర్మిస్తున్న గోలగోల చిత్రంలోని పాటలకు ప్లాటినమ్ డిస్క్ లభించింది. శివాజీ, గాయత్రి జంటగా నటిస్తున్న ఈ చిత్రానికి సంబంధించిన ప్లాటినమ్ డిస్క్ వేడుకలో అక్కినేని నాగేశ్వరరావు పాల్గొని చిత్ర యూనిట్‌కు ప్లాటినమ్ డిస్క్ అందజేశారు. ఈ సందర్భంగా చిత్ర దర్శకుడు శ్యామ్‌ప్రసాద్ మాట్లాడుతూ హారర్ థ్రిల్లర్ కథాంశంతో అందరికీ నచ్చే విధంగా ఈ చిత్రం రూపొందిందని, కథ కొత్తగా ఉంటూ ప్రేక్షకులకు థ్రిల్లింగ్ కలిగిస్తుందని తెలిపారు. ఇటీవల విడుదలైన పాటలకు మంచి స్పందన, ఆదరణ లభించిందని, అదే ఇప్పుడు ప్లాటినమ్ డిస్క్ వేడుకగా జరుగుతోందని, తన సంగీత దర్శకత్వంలో రెండవ చిత్రమిదని, త్వరలో అన్ని కార్యక్రమాలు పూర్తిచేసి విడుదల చేస్తామని సంగీత దర్శకుడు రవివర్మ తెలిపారు. టి.ప్రసన్నకుమార్, రవిచందర్ తదితరులు పాల్గొన్నారు.