Clik here to view.
అల్లరి నరేష్ కథానాయకుడుగా ఎ.కె.ఎంటర్‌టైన్‌మెంట్స్ పతాకంపై నిర్మిస్తున్న ‘యాక్షన్’ చిత్రం గోవా, బ్యాంకాక్‌ల్లో షెడ్యూల్ పూర్తిచేసుకుంది. దర్శకుడు అనిల్ సుంకర దర్శకత్వంలో ఈ చిత్రం గూర్చి మాట్లాడుతూ, నవంబర్ 10 నుండి నెలాఖరు వరకు హైదరాబాద్‌లో షూటింగ్ జరుగుతుందని, దసరా నుండి డబ్బింగ్ జరుపుతున్న ఈ చిత్రానికి సంబంధించిన ఆడియోను ఈనెలాఖరులోపు విడుదల చేస్తామని తెలిపారు. డిసెంబర్ చివరి వారంలో సినిమాను విడుదల చేయడానికి సన్నాహాలు చేస్తున్నామన్నారు. తెలుగులో తొలిసారిగా పూర్తి హాస్యరస చిత్రం త్రీడిలో చేయడం విభిన్నంగా ఉంటుందని, యాక్షన్‌కు తగ్గట్టుగానే ఎంటర్‌టైన్‌మెంట్ పాళ్లు ఉంటాయని, తెలుగు, తమిళ భాషల్లో నిర్మిస్తున్న ఈ చిత్రం ప్రేక్షకులకు 100 శాతం హాస్యం అందిస్తుందని కథానాయకుడు నరేష్ వివరించారు. వైభవ్, రాజుసుందరం, శ్యామ్, సుధీప్, నీలం ఉపాధ్యాయ, స్నేహ ఉల్లాల్, రీతు బర్మేచ, కామ్నాజెఠ్మలానీ, బ్రహ్మానందం, ఎమ్మెస్ నారాయణ, అలీ, నాజర్, జయప్రకాష్‌రెడ్డి, మనోబాల, ఝాన్సీ, భరత్ తదితరులు నటిస్తున్న ఈ చిత్రానికి కెమెరా: సర్వేష్ మురారి, సంగీతం: బప్పా-బప్పీలహరి, పాటలు: భువనచంద్ర, రామజోగయ్యశాస్ర్తీ, కేదార్‌నాథ్, సిరాశ్రీ, ఎడిటింగ్: ఎం.ఆర్.వర్మ, నిర్మాత: సుంకర రామబ్రహ్మం, కథ, స్క్రీన్‌ప్లే,దర్శకత్వం: అనిల్ సుంకర.
