కిరణ్ దర్శకత్వంలో సూపర్ సినీ ఎంటర్‌టైన్‌మెంట్స్ పతాకంపై గరిమెళ్ల శ్రీనివాస్ నిర్మించిన చిత్రం ‘చిన్ని చిన్ని ఆశ’. ఈ చిత్రానికి సంబంధించి పోస్టర్ ఆవిష్కరణ ఫిలిం ఛాంబర్‌లో జరిగింది. నిర్మాతలు దామోదర ప్రసాద్, అనిల్ సుంకర పోస్టర్లను ఆవిష్కరించారు. ఈ సందర్భంగా చిత్ర దర్శకుడు కిరణ్ మాట్లాడుతూ, ఓ పాట మినహా పూర్తయిన ఈ చిత్రం తెలుగుతనం ఉట్టిపడేలా ఉంటుందని, మూడు జంటలు, మూడు రకాల కథలు, మూడుతరాలకు చెందిన కథగా రూపొందించానని అన్నారు. ఓ అపార్ట్‌మెంట్‌లో వుంటున్న మూడు జంటల ప్రేమ సరాగాలు ఎలా వున్నాయనేది చిత్ర కథాంశమని, వచ్చే నెలలో పాటలు, చిత్రం విడుదల చేయడానికి సన్నాహాలు చేస్తున్నామని తెలిపారు. వివేక్ తదితరులు పాల్గొన్నారు. అజయ్, అపర్ణానాయర్, రాజీవ్ సాలూర్, ధాన్య బాలకృష్ణన్, ఇంటూరి వాసు, జెమినీ సురేష్ తదితరులు నటిస్తున్న ఈ చిత్రానికి కథ: వి.ఎస్.సతీష్, పాటలు: వనమాలి, అనంత్ శ్రీరామ్, కిరణ్, సంగీతం: కార్తీక్ ఎం, కెమెరా: దాము నర్రావుల, ఎడిటింగ్: మార్తాండ్ కె.వెంకటేష్, నిర్మాత: శ్రీనివాస్ గరిమెళ్ల, రచన, దర్శకత్వం: కిరణ్.