ఫిలిమ్ ఇండియా ప్రొడక్షన్స్ పతాకంపై పి.సి.రెడ్డి దర్శకత్వంలో అల్లాణి శ్రీ్ధర్ నిర్మిస్తున్న చిత్రం ‘హాస్టల్ డేస్’. రాజా, గజల్ జంటగా నటిస్తున్న ఈ చిత్రం ప్రస్తుతం హైదరాబాద్‌లో షూటింగ్ జరుపుకుంటోంది. ఈ సందర్భంగా నిర్మాత అల్లాణి శ్రీ్ధర్ మాట్లాడుతూ 60 శాతం టాకీ, మూడు పాటలు పూర్తిచేశామని, నేటి యువతరం ఆలోచనా ధోరణి ఎలా వుంటుందో ఈ చిత్రంలో చూపుతున్నామని తెలిపారు. కన్నవారిని, ఉన్న ఊరును వదలి హాస్టల్‌లో వుండే విద్యార్థుల ఆత్మగౌరవానికి ప్రతీకగా చిత్రం ఉంటుందని ఆయన అన్నారు. ప్రస్తుతం రామోజీ ఫిలిం సిటీలో జరిగే చివరి షెడ్యూల్‌తో సినిమా పూర్తవుతుందని పి.సి.రెడ్డి తెలిపారు. నయామత్ షఫాలీ, అతిథిశ్రీ, జయప్రకాష్‌రెడ్డి, బాబూమోహన్, సుమన్‌శెట్టి తదితరులు నటిస్తున్న ఈ చిత్రానికి మాటలు: నక్కా రామకృష్ణ, సంగీతం: మోహనీరాజ్, కెమెరా: వి.నాగశ్రీనివాసరెడ్డి, కథ, నిర్మాత: అల్లాణి శ్రీ్ధర్, స్క్రీన్‌ప్లే, దర్శకత్వం: పి.సి.రెడ్డి.