సుమన్, కాశీనాథ్ ప్రధానపాత్రధారులుగా సాయిచరణ్ మూవీస్ పతాకంపై నిర్మిస్తున్న చారిత్రాత్మక చిత్రం ‘రామప్ప’. పానుగంటి శశిధర్ దర్శకత్వంలో కుమార్ మారబోయిన ఈ చిత్రాన్ని నిర్మిస్తున్నారు. గణపతి దేవునిగా సుమన్, రామప్పగా నూతన నటుడు కాశీనాథ్, ఓ ప్రత్యేక పాత్రలో చక్రి నటిస్తున్న ఈ సినిమాకు సంబంధించిన రెండవ షెడ్యూల్ పూర్తయింది. నిర్మాత కుమార్ మారబోయిన మాట్లాడుతూ ఓ మంచి చిత్రంతో తెలుగు ప్రేక్షకులకు పరిచయం కావడం ఆనందంగా వుందని, నూతన నటుడైన కాశీనాథ్‌కు మంచి భవిష్యత్తు ఈ చిత్రం ద్వారా లభిస్తుందని అన్నారు. అన్నివర్గాల ప్రేక్షకులను ఆకట్టుకునే ఈ చారిత్రాత్మక చిత్రం, నటీ నటులు అందరూ పాల్గొన్న సన్నివేశాలు చిత్రీకరించామని వివరించారు. త్రివేణి, జిల్లా వెంకటరమణ, సారికా రామచంద్రరావు, జూ.రేలంగి, కొండవలస, చిత్రం శ్రీను, తిరుపతి ప్రకాష్ తదితరులు నటిస్తున్న ఈ చిత్రానికి సంగీతం: మహిత్, కెమెరా: నాగేంద్రకుమార్, ఎడిటింగ్: కె.ఆర్.స్వామి, కథ: ఎ.ఆర్.కె.సాయి, నిర్మాత: కుమార్ మారబోయిన, మాటలు, దర్శకత్వం: పానుగంటి శశిధర్.